LAMENTACIONES 3:32 - Dios Rimashcata Quillcashcami

³² Llaquichishpapish pai yallita llaquic cashca shinallatacmi llaquin.

LAMENTACIONES 3:32 ပူးပေါင်းရင်းမြစ်များ

2 REYES 13:23

Mandac Diosca Abrahamhuan, Isaac-huan, Jacobohuan ari nishcamantami paicunataca yallita llaquirca. Chaimantami paicunataca tucuchingapac paipac ñaupamanta llucchishpa, cachanatapish mana munarca.

SALMOS 103:11

Cai pachamantaca jahua pachaca ashtahuanmi jahuaman. Chai shina jatun cuyaitami charin. Paita manchaccunataca yallitami cuyan.

SALMOS 30:5

Paica ashacamanllami piñarin. Ashtahuanpish huiñaitami paica cuyan. Tutaca huacaimi tiyan, tutamantaca cushicuimi shamun.

SALMOS 78:38

Shina cacpipish llaquishpami paicuna millaita ruhuashcatapish cungarishpa mana tucuchirca. Tauca cutinmi pai piñarishcatapish ladoman churashpa, ña mana llaquichishpa cungarirca.

ÉXODO 2:23

Tauca huatacuna quipami Egipto llactata jatun mandacca huañurca. Israelcunaca sinchi ruhuaicunapi cashpami, caparishpa Diosta mañarca. Chashna caparishpa mañashcataca Diosca uyarcami.

ÉXODO 3:7

Shinallatac Mandac Diosca: —Egiptopi ñuca acllashcacuna llaquita apacucta ricunimi. Paicuna llaquimanta mañashcata uyanimi. Paicuna mai llaquita apashcatapish yachanimi.

ISAÍAS 27:8

Paicunataca mana yallita llaquichingachu. Inti llucshina ladomanta sinchi huairahuanmi caruman apanga.

ISAÍAS 54:7

Asha ratollatami cantaca shitarcani. Shina cashpapish yallita llaquishpami, cutin pushamugrini.

JEREMÍAS 31:20

¿Manachu Efrainca ñuca cuyashca huahua? ¿Manachu ñuca cushicuna huahua? Punzhantami paita yuyaricunilla. Ñuca paita yuyarishpaca shungumantami llaquirini. Paitaca llaquishatacmi» nini. Chaitaca Mandac Dios ñucami nini.

LAMENTACIONES 3:22

Mandac Dios llaquic cacpimi, mana tucurishcanchic. Paica ñucanchicta llaquicunllami.

OSEAS 11:8

Efraín aillulla, ¿cancunataca imatac shitashpa saquishayari? Israelcunalla, ¿imatac shuccunapac maquipi saquishayari? Cancunataca, ¿imatac Adma llactata shina, mana cashpaca Zaboím llactata shina llaquichishayari? Ashtahuanpish cancunataca shungupi nanarishpami yuyaricunilla.

NAHÚM 1:12

Chaimantami Mandac Diosca: “Paicunaca sinchi cashpapish, achca cashpapish, tucui huañuchishcami canga. Cantaca yallitami llaquichircani, ña mana ashtahuan llaquichishachu.

SAN LUCAS 15:20

Chaimantami jatarishpa, paipac taitapacman cutirca. Ña cutimucucpica, paipac taitaca caruta shamucuctami ricurca. Chashna ricushpami, yallita llaquishpa, tupangapac llucshishpa, ucllarishpa mucharca.

JUECES 10:16

Shina nishpami paicunapac chaupipi tiyac dioscunata anchuchishpa Mandac Diosta servircacuna. Mandac Diosca israelcuna llaquita apacucta ricushpaca, paipish llaquirircami.