LAMENTACIONES 3:26 - Dios Rimashcata Quillcashcami

²⁶ Mandac Dios quishpichinata upalla shuyanaca allimi.

LAMENTACIONES 3:26 ပူးပေါင်းရင်းမြစ်များ

GÉNESIS 49:18

¡Mandac Dioslla, can quishpichichunmi shuyacuni!

2 CRÓNICAS 20:17

Cunanca mana cancunachu macanacuna canguichic, ashtahuanpish Mandac Dios ima shina ayudacta ricushpa casilla shayacunguichiclla. Judapi, Jerusalenpi causaccuna ama manchaichicchu, ama chucchuichicchu. Cayaca paicunahuan macanacungapac llucshichiclla. Mandac Diosmi cancunahuan canga” nini» nirca.

SALMOS 119:166

Mandac Dioslla, can quishpichichunmi shuyashcani. Can mandashcacunata ruhuashpami causarcani.

SALMOS 119:174

Mandac Dioslla, can quishpichichunmi shuyacuni. Can mandashcacunahuanmi cushicuni.

SALMOS 130:5

Ñucaca tucui almahuanmi Mandac Diosta shuyacuni. Pai rimashca pactachunmi shuyacuni.

SALMOS 37:34

Mandac Diosta shuyashpa pai mandashcata cazui. Paimi llactata cungapac jatunyachishpa charinga. Juchata ruhuac runacunata tucuchishca quipami chaitaca ricungui.

SALMOS 37:7

Mandac Diospac ñaupapi upalla cailla. Pai imatapish nichun shuyailla. Millaicuna sumacta causacta ricushpapish, ama chai causaita munanguichu.

SALMOS 52:9

Sumac Dioslla, cai tucuita ruhuashcamantaca tucui causaipimi alabacusha. Cambaclla caccunapac ñaupapimi canllata shuyasha. Canca allimi cangui.

SALMOS 54:6

Mandac Dioslla, can alli cashcamanta alabashami. Cushicushpami ñucallatac canman curisha.

SALMOS 62:2

Paica ñuca quishpichicmi, ñuca jarcarina jatun rumimi. Chaimantami pipish mana urmachinga.

SALMOS 73:28

Ñucamanca Diospac cuchupi canami tucuimanta yalli alli. Can tucui ruhuashcacunata huillangapacmi can jatun Mandac Diosta shuyashpa causani.

SALMOS 92:1

Mandac Diosta jatunyachishpa cantanaca mai sumacmi. Jahua pachapi causac Dioslla, canta salmocunahuan cantana sumacmari.

ÉXODO 14:13

Shina nicpimi, Moisesca israelcunataca: —¡Ama manchaichicchu! Sinchiyashpa, Mandac Dios ima shina quishpichicta ricuichic. Cunanllami Egipto runacunata ricucunguichic. Cutinca manatac ricunguichicchu.

ÉXODO 14:14

Cancunaca chaillapi caichic. Mandac Diosmi cancunamanta macanacunga— nirca.

ISAÍAS 30:15

Israelcunata Mandac, jucha illac Diosca: «Juchacunata saquishpa, cushilla causashpami quishpiringuichic. Ñucapi shunguta churashpa shuyacushpaca sinchiyanguichicmi» nirca. Shina nicpipish, chaita mana munarcanguichicchu.

ISAÍAS 30:7

Egiptopi causaccuna ayudashcaca imapac mana valingachu. Chaimantami paicunataca: “Mana cuyuric Rahab” nishpa shutichircani.

ISAÍAS 7:4

Acaztaca: “Siria llactamanta Rezinhuan, Remalias-huanmi piña shamucun. Shina cacpipish, canca alli yuyaihuan, mana manchashpa shuyailla. Paicunaca nina chiriyashca, ishcai cushnicuc caspi shinami.

JEREMÍAS 14:22

¿Maijan llacta dioscunamanta maijan tamyachic tiyanchu? Jahua pachapish, ¿pailla tamyata cachai pudinchu? Canca, ¿manachu ñucanchicta Mandac Dios cangui? Can caipi tucui ima tiyaccunata ruhuac cashcamantami canllapi shunguta churanchic» nirca.

LAMENTACIONES 3:27

Huambramanta pacha yugota apacca alli runami.

HABACUC 2:3

Muscuipi shina ricushcaca tauca huatacunata mana pactashpapish, mana llullangachu, pactangatacmi. Mana utca pactacpipish chaparacuilla, pactangatacmi, mana unayangachu.

GÁLATAS 4:18

Shuccuna alli yuyaicunahuan cacpica, paicunapura tucunaca allimi. Chashnaca mana ñuca cancunahuan cacllapichu alli can, ashtahuanpish tucui punzhacunami chashna ruhuana can.

HEBREOS 10:35

Cancuna shuyacushcataca, amatac chingachinguichicchu. Chashna causashpami, sumac japinata japinguichic.

HEBREOS 3:14

Callaripi caticushca shina, Cristopi shunguta churashpa tucuringacaman catishpaca, Cristo japishca shinami ñucanchicpish japishun.

1 PEDRO 1:13

Chaimanta caicunata yachashpaca, allichirishpa alli yuyaihuan causaichic. Jesucristo cutimui punzha Dios paipac sumaimana cuyaimanta ñucanchic japina cashcata cucpi japingapac cushicushpa shuyacuichic.