LAMENTACIONES 3:17 - Dios Rimashcata Quillcashcami

¹⁷ Ñuca shunguca cushi causaita mana charinchu. Cushi causaitaca ñami cungarircani.

LAMENTACIONES 3:17 ပူးပေါင်းရင်းမြစ်များ

GÉNESIS 41:30

Quipa canchis huatacunapi ima mana pucucpimi, yallimana yarcaimi tiyanga. Chashna ima grano mana pucucpimi, ñaupaman tucui Egipto allpapi achca pucushcataca mana yuyaringacuna. Chai yarcaimi tucui llactapi causaccunata llaquichishpa tucuchinga.

JOB 7:7

Ñuca Dioslla, ñuca causaica huaira shinami chaitaca yuyariyari. Ñuca ñahuica alli causaitaca mana ashtahuan ricungachu.

SALMOS 119:155

Canta mana manchaccunaca can mandashcacunataca mana mashcancunachu. Chaimanta paicunaca mana quishpichishcachu canga.

ISAÍAS 38:17

Riqui, ñucapac allipacllatami chai llaquica japirca. Shina cacpipish, cuyashpami jutcupi ñuca ismugrinamanta quishpichircangui. Ñuca juchacunata huashaiman shitac shina, perdonashpami quishpichircangui.

ISAÍAS 54:10

Urcucuna cuyuricpipish, lomacuna chucchucpipish cantaca cuyacushallami. “Canman cushi causaita cushami” nishpa, ari nishcataca pactachishatacmi» ninmi. Chaitaca, canta llaquic Mandac Dios ñucami nini.

ISAÍAS 59:11

Tucui ñucanchicmi osocuna shina huacacunchic. Palomacuna shina, llaquillata huacacunchic. Cashcata ruhuachun shuyacucpica, pi cashcata ruhuacca mana tiyanchu. Quishpichicca ñucanchicmanta carupimi.

JEREMÍAS 12:12

Shitashca pambapi tiyac tucui lomacunamantami tucuchic runacunaca shamurca. Chaica, Mandac Dios ñucami tucui cai pacha tucurimanta callarishpa, ñuca espadahuan tucuita tucuchigrini. Pipish mana cushi causangachu.

JEREMÍAS 14:19

Jeremiasca: «Judá llactapi causaccunataca, ¿huiñaitachu shitarcangui? ¿Sión llactataca yallitachu millarcangui? ¿Ima nishpatac mana jambiripacta ñucanchictaca chugrichircangui? Cushi punzhata shuyacucpica, ima alli mana shamurcachu. Jambirina punzhata shuyacucpica, manchaimi shamurca.

JEREMÍAS 16:5

Mandac Diosca: «Cai gentecunataca mana llaquinichu, mana cuyanichu. Paicunamantaca cushi causaita anchuchircanimi. Canca chai gentecuna huañushca ucumanpish, duelo churarishcapac huasimanpish ama yaicunguichu. Chaipi huacangapacpish, llaquinacungapacpish ama yaicunguichu.

JEREMÍAS 8:15

Alli causaita shuyacucpica, alli causai punzhaca mana shamunchu. Jambirinata munacucpica, yalli manchaimi japin.

LAMENTACIONES 1:16

Chaimantami ñucaca huacacuni. Ñuca shunguta causachic shina, cushichicca pipish mana tiyanchu. Chaimantami ñuca ñahuitaca huiqui tapashcalla. Ñucata piñaccuna, ñucata atishcamantami ñuca huahuacunapish shitashca saquirirca.

ZACARÍAS 8:10

Manarac chai punzhacuna chayacpica, runacuna trabajashcamanpish mana pagarcachu, animalcunamanpish mana cararcachu. Piñaccunata manchashcamantami runacunaca maiman cushilla llucshinatapish, yaicunatapish mana pudirca. Ñucami gentecunapura llaquichinacuchun saquircani.