LAMENTACIONES 3:1 - Dios Rimashcata Quillcashcami

¹ Ñucami Dios piñarishpa, llaquichishca runaca cani.

LAMENTACIONES 3:1 ပူးပေါင်းရင်းမြစ်များ

JOB 19:21

¡Ñuca ricsishcacunalla ñucata cuyaichicyari! ¡Ñucata cuyaichicyari! Diospac maquimi ñucapi tuparishca.

SALMOS 102:11

Ñuca causaica llandu shinami chingaricun. Quihua shinami chaquicuni.

SALMOS 71:20

Achca llaquicunata, nanaicunatami ricuchircangui. Shina cashpapish canllatacmi cutin causaita cushpa enterrashcamantapish llucchingui.

SALMOS 88:7

Can yallita piñarishcaca ñucapac jahuapimi urmashca. Yacu jataricuc shinami llaquichircangui.

ISAÍAS 53:3

Gentecunapac mana ricunayachishca, millashcami carca. Paica yalli nanaihuanpish, llaquihuanpishmi carca. Paita mana ricusha nishpami shuc ladota ricuc carcanchic. Paitaca yangalla cashcata yuyashpami, mana ricunayachircanchic.

JEREMÍAS 38:6

Shina nicpimi, Jeremiasta japishpa, Hamelecpac churi Malquiaspac yacuta jundachina jutcupi huascacunahuan urai cacharca. Chaica cárcel pungupimi carca. Ashtahuanpish chai jutcupica yacuca mana tiyarcachu. Turullami tiyarca. Jeremiasca chai turupimi pambarirca.

JEREMÍAS 43:6

caricunatapish, huarmicunatapish, huahuacunatapish jatun mandacpac ushicunatapish, Ahicampac churi, Safanpac nieto Gedaliastapish, Dios ima nishcata huillac Jeremiastapish, Neriaspac churi Baructapish aparca. Chai gentecunataca soldadocunata mandac Nabuzaradanmi Gedaliasta cuidachun churashca carca.

JEREMÍAS 8:21

Ñuca llactapi causaccuna yallita llaqui tucushcamantami ñucapish yalli llaquihuan cani. Duelo churanata churarishca shinami jatun manchaihuan cani.