LAMENTACIONES 2:22 - Dios Rimashcata Quillcashcami

²² Fiestaman cayac shinami, tucui ladomanta llaquichiccunataca apamurcangui. Mandac Dios can piñarishca punzhapica pipish mana causacca saquirircachu. Ñuca cuidashpa huiñachishca huahuacunataca ñucata piñaccunami huañuchirca.

LAMENTACIONES 2:22 ပူးပေါင်းရင်းမြစ်များ

2 CRÓNICAS 36:17

Mandac Diosca chashna yallita piñarishpami, Judá llactapi causaccunata llaquichichunca, caldeocunata jatun mandacta cacharca. Paimi quipa huiñai mosocunatapish, carihuan manarac chayarishca solteracunatapish, yuyaccunatapish, ungushcacunatapish mana llaquishpa, Diospac huasi ucullapitac huañuchirca. Chashnami tucui paicunataca jatun mandacpac maquipi churarca.

SALMOS 31:13

Huashalla parlanacushcatami taucata uyani. Maipipish manchaihuanmi purini. Ñuca causaita tucuchingapacmi pacalla tandanacushpa parlanacuncuna.

ISAÍAS 28:19

Chai llaquicunami tucui tutamantacuna, chishicuna, tucui punzhacuna pasanga. Chai shamucta uyashpallami manchashpa urmanguichic.

JEREMÍAS 11:11

Chaimantami Mandac Dios ñucaca yallita llaquichigrini. Chai llaquimanta mana quishpiri pudishpami, ñucata caparishpa mañanga. Chashna mañacpipish, manatac uyashachu.

JEREMÍAS 14:19

Jeremiasca: «Judá llactapi causaccunataca, ¿huiñaitachu shitarcangui? ¿Sión llactataca yallitachu millarcangui? ¿Ima nishpatac mana jambiripacta ñucanchictaca chugrichircangui? Cushi punzhata shuyacucpica, ima alli mana shamurcachu. Jambirina punzhata shuyacucpica, manchaimi shamurca.

JEREMÍAS 20:3

Chai cayandi punzhami Pasurca Jeremiastaca chaquita canichina jutcucunamanta llucchirca. Chashna llucchicpimi Jeremiasca: «Mandac Diosca cantaca mana Pasur ninchu. Ashtahuanpish Magor-misabibtami shutichishca.

JEREMÍAS 21:7

Chai quipaca Judá llactata jatun mandac Sedequiastapish, paita serviccunatapish, shuctac gentecunatapish, chai ungüihuan, yarcaihuan mana huañushpa, cai llactapi saquirishcacunatapish, jatun macanacuipi mana huañushcacunatapish Babilonia llactata jatun mandac Nabucodonosorpac maquipimi churasha. Paicunata piñashpa, huañuchinata munaccunapac maquipi churacpica, mana llaquishpami espadahuan huañuchinga. Shucllatapish mana saquingachu. Shucllatapish mana llaquingachu” ninmi ninguichic.

JEREMÍAS 44:7

Cunanca, tucuita Mandac Diosca cancunataca: «¿Ima nishpatac cancunapac llaquipacllatac yalli mana allicunata ruhuanguichic? Chaimantami Judá llactapi causacpurapica caricunapish, huarmicunapish, huambracunapish, chuchucuc huahuacunapish huañushpa tucuricun.

JEREMÍAS 46:5

¿Ima nishpatac mancharishpa, huashaiman cuticunguichic? Egipto sinchi soldadocunaca manchaihuanmi mana tigra ricushpa, miticungapac callpan. Tucui ladopimi manchai tiyan.

JEREMÍAS 6:25

Paicunaca espadahuanmi chapacun. Tucui llactapimi manchai tiyan. Chaimanta pambamanpish, ñanmanpish ama llucshinguichicchu” nirca.

DEUTERONOMIO 28:18

Cancunapac huahuacunapish, allpapi pucushcapish, ovejacuna mirashcapish, vacacuna mirashcapish mana alli nishcami canga.