LAMENTACIONES 2:20 - Dios Rimashcata Quillcashcami

²⁰ Mandac Dioslla, ricuiyari. ¿Pitatac cashna ruhuashcangui? Huarmicunaca, ¿paicunapac huicsapi huiñashca huahuacunata micungachu? ¿Curapish, can ima nishcata huillacpish, can Mandac Diospac huasillapitacchu huañunga?

LAMENTACIONES 2:20 ပူးပေါင်းရင်းမြစ်များ

2 CRÓNICAS 36:17

Mandac Diosca chashna yallita piñarishpami, Judá llactapi causaccunata llaquichichunca, caldeocunata jatun mandacta cacharca. Paimi quipa huiñai mosocunatapish, carihuan manarac chayarishca solteracunatapish, yuyaccunatapish, ungushcacunatapish mana llaquishpa, Diospac huasi ucullapitac huañuchirca. Chashnami tucui paicunataca jatun mandacpac maquipi churarca.

SALMOS 78:64

Paicunapac curacunatapish espadahuanmi huañuchirca. Viuda huarmicunaca mana llaquirishcata ricuchi pudircachu.

ÉXODO 32:11

Shina nicpimi, Moisesca Mandac Diosta tucui shunguhuan mañashpaca: —Mandac Dioslla, ¿ima nishpatac Egipto llactamanta cambac poderhuan llucchishca, can acllashca gentecunahuanca piñaringuiyari?

ISAÍAS 22:2

¡Sinchita caparishpa, ima shinapish cushicuc gentecunalla! Caipi causaccunaca espadapi, mana jatun macanacuipichu huañurca.

JEREMÍAS 19:9

Chaipi causaccunamanca paicunapac churicunapac, ushicunapac aichallatatacmi carasha. Paicunata piñashpa huañuchinata munac runacuna shamushpa, chai llacta muyundita shayaricpimi, imata mana ruhuai pudishpa, paicunahuan apanacuccunallatatac micunga” nirca.

JEREMÍAS 21:7

Chai quipaca Judá llactata jatun mandac Sedequiastapish, paita serviccunatapish, shuctac gentecunatapish, chai ungüihuan, yarcaihuan mana huañushpa, cai llactapi saquirishcacunatapish, jatun macanacuipi mana huañushcacunatapish Babilonia llactata jatun mandac Nabucodonosorpac maquipimi churasha. Paicunata piñashpa, huañuchinata munaccunapac maquipi churacpica, mana llaquishpami espadahuan huañuchinga. Shucllatapish mana saquingachu. Shucllatapish mana llaquingachu” ninmi ninguichic.

JEREMÍAS 5:31

Dios ima nishcata huillaccunapish llullashpami huillan. Curacunapish paicuna munashca shinami pushacun. Ñuca acllashcacunapish chaitami munancuna. Chaimanta llaqui punzhacuna chayamucpica, ¿imatatac ruhuanguichic?

LAMENTACIONES 1:19

Ñuca cuyashcacunata ayudachun cayacpica, paicunaca ñucallatami saquirca. Curacunapish, pushac yuyaccunapish, llactallapitacmi huañurca. Yarcaihuan mana huañungapac micunata mashcacushpapish huañurcami.

LAMENTACIONES 4:10

Llactata tucuchicpica, llaquic huarmicunapish quiquin huahuatami yanushpa micurca.

LAMENTACIONES 4:13

Paicunaman huillaccuna juchallishcamanta, curacuna mana allita ruhuashpa, cashcata ruhuac runacunata huañuchishpa, Jerusalén chaupipi yahuarta jichashcamantami chashnaca tucurca.

LAMENTACIONES 4:16

Mandac Diosllatacmi caita, chaita shic-huashpa cacharca. Paicunataca mana ashtahuan tigra ricungachu. Curacunatapish mana mancharcachu. Yuyaccunatapish mana llaquircachu.

EZEQUIEL 5:10

Chaimantami cancunapac chaupillapica taitacunaca huahuacunata, huahuacunaca taitacunata micunga. Cancunata llaquichishpa, maijanlla saquiriccunataca caita, chaita catishpami cachasha.

EZEQUIEL 9:7

Cutinllatac runacunata rimashpaca: «Ñuca huasita mapayachichic. Huañushcacunata canzha pambapi montonashpa llucshichic» nirca. Shina nicpimi, paicuna chaimanta rishpaca, pueblopi causaccunata huañuchi callarirca.

LEVÍTICO 26:29

Shina ruhuacpica, cancunapac churicunata, ushicunatami micunguichic.

DEUTERONOMIO 9:26

Chashna cumurishpa paita mañashpaca: “Mandac Dioslla, ama cambac gentecunataca tucuchichu. Can jatun cashcamantami paicunataca cambac poderhuan Egiptomanta llucchimurcangui.