LAMENTACIONES 2:15 - Dios Rimashcata Quillcashcami

¹⁵ Ñanta pasaccuna ricushpaca maquita huactashpami burlarca. Jerusalenta ricushpaca, silbashpa umata cuyuchishpami: «¿Cai llactatachu sumacta niccuna carca? ¿Cai llactatachu cai pachapi causaccuna cushicuna llacta niccuna carca?» nirca.

LAMENTACIONES 2:15 ပူးပေါင်းရင်းမြစ်များ

2 REYES 19:21

Chai jatun mandacmanta Mandac Dios rimashpaca: “Sión pueblopi causaccunaca, carihuan manarac chayarinacushca soltera shinami, burlashpa asincuna. Jerusalén pueblopi causaccunaca can cutiricpica, umata cuyuchishpami asincuna.

2 CRÓNICAS 7:21

Cai sumaimana huasi urmashcata ricushpaca, pipish caita pasaccunaca mancharishpami: “Mandac Diosca, ¿ima nishpatac cai llactatapish, cai huasitapish chashna ruhuanyari?” ninga.

SALMOS 109:25

Ñucaca paicunapac mana ricunayachishca rimashcallami carcani. Ñucata ricushpaca umata cuyuchishpami ricuc carcacuna.

SALMOS 22:7

Tucui ñucata ricuccunami burlancuna. Paicunaca shimita huishtuyachishpa, umata cuyuchishpaca:

SALMOS 48:2

¡Chai urcuca mai sumacmi! Jatun mandacpac pueblo jahua ladopi cac Sión urcuca cai pachapi causaccunapac mai cushicunami.

SALMOS 48:3

Chai pueblopi tiyac mandana huasipica Mandac Diosmi tiyacun. Paica tucuipac ricsishca samarina Diosmi can.

SALMOS 50:2

Tucuita yalli sumac Sión urcumantami Diosca achicyachishca.

SALMOS 64:8

Paicunapac rimashcallatacmi llaquipi churanga. Chaita tucui ricuccunaca umata cuyuchishpami burlancuna.

ISAÍAS 28:21

Mandac Diosca Perazim urcupi shinami shayaringa. Gabaón pambapi shinami, yallita piñaringa. Paica cancuna mana ricushca, mana entendipac mancharinata ruhuangapacmi piñaringa.

ISAÍAS 37:22

Chaimantami Mandac Diosca chai jatun mandactaca: “Carihuan manarac chayarishca soltera shina Sión llactalla burlashpa asishcami cangui. Jerusalenpi causaccunaca can cutishpa callpacpica, umata cuyuchishpami asinga.

ISAÍAS 64:11

Ñucanchic taitacuna can Diosta alli nina cambaclla huasipish rupashcami siricun. ¡Ñucanchic charishca sumaccunapish tucuimi tucurishca!

JEREMÍAS 18:16

Chashnami paicunapac llactaca llaquinayaita tucuchicun. Tucui causaipi yallita burlashpa asina llactami tucunga. Maijanpish chai llactata pasacushpaca mancharishpa, umata cuyuchishpami pasanga.

JEREMÍAS 19:8

Chai llactataca tucuipac mancharinata, burlashpa asinatami ruhuasha. Pipish chaita pasashpaca, yallita mancharingami, shinallatac chai llacta llaqui tucushcamanta burlashpa asingami.

JEREMÍAS 25:18

Chashnami Jerusalenpipish, Judá llactacunapipish apashpa, jatun mandaccunaman, caishuc mandaccunaman ubiachun curcani. Chashna cucpimi, cunan shinallatac pipish mana cazushca, burlashca, mana alli nishca saquirirca.

JEREMÍAS 25:9

cai llactatapish, caipi tucui causaccunatapish, cai muyundi llactacunatapish llaquichichunmi jahua llactapi causaccunata, Babilonia llactata jatun mandac ñucata servic Nabucodonosorta cachasha. Chashna cachashpami tucuita tucuchisha. Paicunataca huiñaita tucuipac mancharina, burlanatami ruhuasha.

JEREMÍAS 26:6

ima shinami Silo llactata tucuchircani, chashnallatacmi ruhuasha. Shinallatac tucui cai pachapi causaccuna, mana alli nishpa rimachunmi churasha” ninmi ningui» nirca.

JEREMÍAS 29:18

Jatun macanacuipi yarcaihuan, jatun ungüihuanmi catipi llaquichisha. Tucui cai pachapi tiyac llactacunapi causaccunami paicunata burlashpa, ima llaqui tucushpachari alli canman ningacuna. Shinallatac paicunata shuctac llactaman ñuca llucchishpa cachacpica, paicunata ricushpaca mancharishpa pingaichingacunami.

JEREMÍAS 48:27

Moab llactapi causaccuna, ¿cancunaca manachu israelcunataca shuhuacucta japishpa burlac shina asircanguichic?

JEREMÍAS 51:37

Babilonia llactaca rumi montonllami saquiringa. Chacal animalcunallami causanga. Shuc runallapish mana tiyangachu. Tucuipac burlashpa asinami tucunga.

LAMENTACIONES 1:21

Ñuca llaquihuan caparishcata gentecuna uyashpapish, pi mana cushichircachu. Can ñucata llaquichishcata ñucata piñaccuna uyashpaca yallitami cushicurca. ¡Paicunapish ñuca llaquita apacuc shina, llaquita apachun, huillashca shina llaqui punzhacunata cachaiyari!

LAMENTACIONES 1:8

Jerusalenpica yallitami juchallishcacuna. Chaimantami mapayashpa millana tucushca. Paita utcapi alli niccunaca lluchulla cashcata shinami, mana ricusha nincuna. Chaimantami paica pingashpa ñahuita mana ricuchin.

LAMENTACIONES 2:16

Tucui piñaccunami canta mana alli nishpa rimarca. Silbashpa, quirucuna canirishpaca: «¡Paitaca millpuc shinami tucuchircanchic! Ñucanchic munashca punzhaca chayamushcatacmi. Caitaca ricushcanchictacmi» ninacurca.

LAMENTACIONES 2:6

Paipaclla carpa huasitapish huerta chaupipi cac chucllata shinami tucuchishpami, tandanacuna huasitapish tucuchirca. Mandac Diosllatacmi Sionpac jatun fiestacunatapish, samana punzhacunatapish cungachirca. Nina japiric shina piñarishpami jatun mandactapish, curatapish llucchishpa cacharca.

EZEQUIEL 16:13

Canca curihuan, cullquihuan allichishcami carcangui. Alli linomanta, sedamanta ruhuashca sumac churanatami churarircangui. Micunatapish ashtahuan alli trigo harinata, abeja mishquita, aceitetami micurcangui. Chashnami canca tucuimanta yalli alli tucushpa, jatun mandacpish tucurcangui.

EZEQUIEL 16:14

Cantaca ñucami sumacta allichircani, chaimantami shuctac llactacunapacpish alli nishca carcangui. Chaitaca Mandac Dios ñucami nini.

EZEQUIEL 23:32

Chaimantami Mandac Diosca: Cambac ñañaman cushca ubiana shina llaquillahuantacmi llaquichisha. Chai ubiana vasoca ancho, shinallatac jatunmi can. Shuctac llactapi causaccunaca burlashpami cantaca asinga.

EZEQUIEL 25:6

Mandac Dios ñucaca: Israel llactata burlashpa, maquita huactashpa, saltashpa asircanguichicmi.

EZEQUIEL 5:15

Ñuca yallita piñarishpa, canta llaquichicpica, muyundi llactacunapi causaccunapac burlashpa asina, camishpa rimana, yuyarina, shinallatac yalli mancharinami tucungui. Caitaca Mandac Dios ñucami nini.

DANIEL 9:16

Mandac Dioslla, cashcata ruhuac cashca shinallatac Jerusalenmanta, cambaclla chicanyachishca urcumanta cambac nina japiric shina yallita piñarishcata anchuchiyari. Ñucanchic juchacunamanta, ñucanchic taitacuna millaita ruhuashcamantami ñucanchic muyundipi causaccunaca Jerusalentapish, can acllashcacunatapish burlashpa rimancuna.

MIQUEAS 6:16

Jatun mandac Omri mandashcacunallatacmi pactachircangui. Acab aillucuna imata ruhuashpa causashcatami ruhuashpa purircangui. Chaimantami llaquinayaita tucuchisha. Cai llactapi causaccunatapish burlashpa asingacunami. Canmantami ñuca acllashcacunaca pingaichishca canga» ninmi.

NAHÚM 3:19

Cambac nanaita allichic jambica mana tiyanchu. Chugrica mana jambipacmi tucushca. Can ima tucushcataca uyashpaca tucuimi cushicunga. Canca tucuitami llaquichircangui» ninmi.

SOFONÍAS 2:15

Riquichic, chai llactapica imata mana manchashpa cushicushpami causarca. Chaimantami chaipi causacca: “Ñucallami cani, pipish mana tiyanchu” nicmi carca. ¡Cunanca ima shinami shitashca saquirishca, sacha animalcuna causanami tucushca! Tucui chaita pasaccunaca maquita huactashpami burlashpa asinga.

SAN MATEO 27:39

Chaita pasaccunaca umata cuyuchishpa, Jesusta

MARCOS 15:29

Chaita pasaccunaca umata cuyuchishpa, camishpaca: —¡Jai, canca “Diosta mañana huasita urmachishpaca, quimsa punzhapi cutin shayachishallami” nircanguica!