LAMENTACIONES 1:9 - Dios Rimashcata Quillcashcami

⁹ Churanatapish mapayachircami. Pai huañunataca mana yuyarircachu. Chaimantami paica cungailla urmarca. Pipish paitaca mana cushichircachu. Shina cashpami paica: “¡Mandac Dioslla, ñuca llaquita ricuiyari! ¡Ñucata piñaccunaca yallita jatun tucushcami!” nicun.

LAMENTACIONES 1:9 ပူးပေါင်းရင်းမြစ်များ

2 SAMUEL 16:12

Mandac Diosca ñuca llaquihuan cacta ricushpaca llaquingapishchari. Shina llaquishpa, cunan cai runacuna maldiciashcamantaca, ashtahuanpish ñucamanca allicunatami cunga— nirca.

2 REYES 14:26

Mandac Diosca israelcuna yalli llaquita causacuctami ricurca. Paicunata ayudangapacca servishpa causacpish, mana servishpa causacpish pipish mana tiyarcachu.

NEHEMÍAS 9:32

Cunanca ñucanchic Dioslla, canca poderta charic, tucuipac manchana Diosmi cangui. Canca imatapish pactachic, yallita llaquic Diosmi cangui. Asiria llactata jatun mandac, mandacushca punzhamanta, cunan punzhacaman, jatun mandaccunapish, ñucanchic curacunapish, can ima nishcata huillaccunapish, ñucanchic ñaupa taitacunapish, tucui can acllashcacuna llaquita, apacushcataca ama cungaringuichu.

SALMOS 119:153

Ñuca huacacucta ricushpa quishpichiyari. Ñucaca can mandashcataca mana cungarishcanichu.

SALMOS 140:8

Mandac Dioslla, canta mana manchaccuna paicuna munashcata pactachichunpish, paicuna yuyashcata ruhuashpa, jatun tucuchunpish ama saquichu.

SALMOS 25:18

Ñuca mai llaquita apashpa causacushcataca ricuiyari. Ñuca juchacunata tucui perdonailla.

SALMOS 69:21

Micunata cunapac randica jayac hieltami curcacuna. Yacunayachicpica, vinagretami ubiachirca.

ÉXODO 3:17

Ñucami cancunataca Egiptopi llaquita apacucpi, llucchishpa, lechepish, mishquipish achca tiyac, cananeocunapac, heteocunapac, amorreocunapac, ferezeocunapac, heveocunapac, jebuseocunapac llactaman pushamusha nircani’ ninmi” ningui.

ÉXODO 3:7

Shinallatac Mandac Diosca: —Egiptopi ñuca acllashcacuna llaquita apacucta ricunimi. Paicuna llaquimanta mañashcata uyanimi. Paicuna mai llaquita apashcatapish yachanimi.

ÉXODO 4:31

Chai huillashcata uyashpaca, paicuna llaquita apacucta ricushpa, ayudangapac shamushcata yachashpami, israelcunaca crircacuna. Chaimantami Mandac Diostaca cumurishpa, allimari cangui nircacuna.

ECLESIASTÉS 4:1

Tigrarishpa ricushpaca cai pachapi tucuita ruhuashpa, yallita llaquichicuctami ricurcani. Llaquihuan huacacucpipish pi mana cushichircachu. Poderta chariccunapish llaquichiccuna parte carca. Cushichiccunaca shucllapish mana tiyarcachu.

ISAÍAS 3:8

Jerusalenca tucuimi tucurishca. Judá llactapish urmashcami. Paicunaca mana allita rimashpa, mana allita ruhuashpami poderyuc Mandac Diosta piñachirca.

ISAÍAS 37:17

Mandac Dioslla, cambac ringrihuan uyaiyari. Mandac Dioslla, cambac ñahuita pascashpa ricuiyari. Senaquerib causac Diosta camishpa rimachun cachashcata uyaiyari.

ISAÍAS 37:23

¿Pitatac camishpa rimarcangui? ¿Pitatac jatun tucushpa, llaquichishpa, ñahuita alzashpa rimarcangui? ¡Israelcunapac jucha illac Diostami chashna rimarcangui!

ISAÍAS 37:29

Canca ñucata yallita piñarishpami, jatun tucushpa ñuca ringriman uyaricta rimarcangui. Cambac singapica argollata, shimipica frenota churachishpami, can maita shamushca ñanllatatac cutichishpa cachasha” ninmi.

ISAÍAS 37:4

Asiria llactata jatun mandac quipa mandacta Mandac Diosta camishpa rimarishcata uyashpa, llaquichishca cashpachari alli canman. Chaimanta cunanca, caipi maijan saquirishcacunamanta Mandac Diosta mañaiyari” ninmi— nirca.

ISAÍAS 40:2

Jerusalenpi causaccunaman sumacta huillashpaca: “Cancunapac juchacunata perdonana huatacunaca ñami pactamushca. Cancunapac juchacunamantaca ñami chaupi yalli llaquihuan Mandac Diosca llaquichishca” nichic» ninmi.

ISAÍAS 47:7

Canca: “Huiñaitami mandac huarmi casha” yuyarcanguimi. Quipa punzha llaqui tucunataca mana yuyarircanguichu.

ISAÍAS 51:19

Cai ishcai llaquicunami cantaca japirca. Cambac llactaca llaquinayaita tucuchishcami carca. Yarcaipish, jatun macanacuipishmi llaquichirca. ¿Pitac cantaca llaquingayari? ¿Pitac cantaca cushichingayari?

ISAÍAS 54:11

Mandac Diosca: «¡Jerusalenlla, canca huairahuan, tamyahuan llaquichishcami pipish mana cushichishca llaquilla causangui! Ñucami cantaca callaripi turquesa rumicunata churashpa shayachisha. Pircata callaringapacca zafiro rumicunatami churasha.

JEREMÍAS 13:27

Can yallita huainayashpami pucushca caballo shina lomacunapi caparishpa, jatun mana allita ruhuarcangui. Pambapica jatun millanacunata ruhuacuctami ricurcani. ¡Aij, Jerusalenlla! ¿Ima horascamantac ñucapac ñaupapica mapa illac tucugringui?» ninmi.

JEREMÍAS 16:7

Llaquihuan cashpa, cushichina micunatapish pi mana carangachu. Shinallatac taita mama huañushcamanta llaquilla cacpipish, cushichina ubianata pi mana cungachu.

JEREMÍAS 2:34

Cambac churanaca huacchacunapac yahuarhuan, mana faltayuccunapac yahuarhuanmi cahuirishca. Paicuna mana allita ruhuashcataca mana tarircanguichu. Shina cashpapish,

JEREMÍAS 48:26

Moab llactapi causaccunaca Mandac Diosta mana cazurcachu. Chaimanta paicunata machachichic. Chashnami paicuna arcadashca jahuallapitac singushpa, burlashpa asina tucunga.

JEREMÍAS 5:31

Dios ima nishcata huillaccunapish llullashpami huillan. Curacunapish paicuna munashca shinami pushacun. Ñuca acllashcacunapish chaitami munancuna. Chaimanta llaqui punzhacuna chayamucpica, ¿imatatac ruhuanguichic?

JEREMÍAS 50:29

Babilonia llactapi causaccunata llaquichingapac flechacunata shitanata yachaccunata, flechayuc runacunata tandachishpa, paicunapac muyundipi shayarichic. Shucllatapish causactaca ama saquinguichicchu. Paicuna mana allita ruhuashca shinallatac llaquichichic. Paicunaca israelcunapac jucha illac Mandac Diostami piñachirca.

LAMENTACIONES 1:17

Ayudachun maquita chutacucpipish, Sionpi causaccunataca pi mana cushichinchu. Mandac Diosmi piñaccuna Jacobota muyunacushpa llaquichichun mandarca. Jerusalenpi causaccunaca yallita mapayashpa tucuipac millanami tucurca.

LAMENTACIONES 1:21

Ñuca llaquihuan caparishcata gentecuna uyashpapish, pi mana cushichircachu. Can ñucata llaquichishcata ñucata piñaccuna uyashpaca yallitami cushicurca. ¡Paicunapish ñuca llaquita apacuc shina, llaquita apachun, huillashca shina llaqui punzhacunata cachaiyari!

LAMENTACIONES 2:13

Jerusalenpi causaccunalla, ¿canmantaca imatatac nishayari? ¿Pihuantac cancunataca chimbapurashayari? Carihuan manarac chayarishca soltera shina, Sionpi causaccunalla, cancunata cushichingapacca, ¿imatatac ruhuashayari? Llaquica mama cucha shina jatunmi. Chaitaca, ¿pitac allichingayari?

LAMENTACIONES 4:1

¡Curipish ima shinami yanayashca! ¡Sumac curipish ima shinami mapayashca! Diospac huasi rumicunapish, calle esquinacunapimi shic-huashca siricun.

LAMENTACIONES 5:1

Mandac Dioslla, ñucanchic ima tucushcata yuyariyari. Ñucanchicta burlashpa rimacuctaca ricuiyari.

OSEAS 2:14

Ñucami paitaca shungupi rimashpa, ari nichishpa shitashca pambaman pushasha.

SOFONÍAS 2:10

Paicunallatac jatun tucushpa tucuita Mandac Diospac acllashcacunata rimashcamantami llaqui tucunga.

SAN JUAN 11:19

Martapac, Mariapac turi huañushcamantaca, tauca israelcunami llaquinacungapac shamushca carcacuna.

DEUTERONOMIO 26:7

Chaipimi ñaupa taitacunata Mandac Diosta mañarcanchic. Paica ñucanchic mañashcata uyashpami sinchita trabajacushcata shinallatac ñucanchic llaquita causacushcata ricurca.

DEUTERONOMIO 32:27

Shina yuyacushpapish paicunata piñaccuna jatun tucushpa: ‘Caicunataca mana Mandac Dioschu ruhuan, ashtahuanpish ñucanchicmi ruhuanchic’ ama nichunmi mana chashna ruhuarcani” nirca.

DEUTERONOMIO 32:29

¡Yuyaisapa cashpaca entendinmanmi! ¡Ima tucugricushcata yachanmanmi!

1 PEDRO 4:17

Dios taripana punzhaca ñami chayamucun. Chaipica paipac huahuacunataracmi Diosca taripanga. Chashna ñucanchictarac taripai callaricpica, Diosmanta alli huillaita mana cazuccunacarin, ¿imachari tucunga?

1 SAMUEL 1:11

Paica pactachishatacmi nishpami, «Tucuita Mandac Dioslla, canta servic ñuca cashna llaquihuan cacta yuyariyari. Canta servic ñucataca ama cungarishpa, ashtahuanpish ñucaman shuc cari huahuata cuiyari. Can cucpica, chai huahuataca tucui paipac causaipimi can Mandac Diosllatac servishpa causachun cusha. Shinallatac paipac acchatapish mana pitichishachu» nirca.