LAMENTACIONES 1:6 - Dios Rimashcata Quillcashcami

⁶ Sionpi cushicunaca tucurishcami. Mandaccunapish taruga quihuata mana tarishpa puric shinami, paicunata piñaccunapac ñaupapi yallita irquiyashca puricun.

LAMENTACIONES 1:6 ပူးပေါင်းရင်းမြစ်များ

2 REYES 19:21

Chai jatun mandacmanta Mandac Dios rimashpaca: “Sión pueblopi causaccunaca, carihuan manarac chayarinacushca soltera shinami, burlashpa asincuna. Jerusalén pueblopi causaccunaca can cutiricpica, umata cuyuchishpami asincuna.

2 REYES 25:4

Chaimantami jatun mandac Sedequiasca jatun pircata jutcushpa caldeocuna muyundipi chapacucpipish, tucui paipac soldadocunahuan llucshirca. Paipac huertata rishpa, ishcai pirca chaupipi tiyac punguta chai tutallatac llucshishpami, Arabá pambaman rina ñanta rirca.

2 REYES 25:5

Ashtahuanpish caldeocuna catishpa rishpami, jatun mandac Sedequiastaca Jericó pueblo lado pambapi japirca. Paipac soldadocunaca tucuimi paita shitashpa, caita chaita rirca.

SALMOS 50:2

Tucuita yalli sumac Sión urcumantami Diosca achicyachishca.

SALMOS 96:9

Mandac Diostaca sumaimana jucha illac cashcamanta alabaichic. Paipac ñaupapica tucui cai pachapi causaccuna chucchuichic.

ISAÍAS 1:21

Diosta alli cazuc llactalla, ¿ima nishpatac cullquimanta huainayac huarmi shina, tucurcanguiyari? Chaipica tucuimi cashcata ruhuaccuna, imatapish allita ruhuaccuna causarca. ¡Ashtahuanpish cunanca huañuchiccunallami causan!

ISAÍAS 12:6

Sionpi causaccunalla, yallita cushicushpa cantaichicyari. Cancunapac chaupipi causacuc israelcunapac jucha illac Diosca jatunmari» nichicyari.

ISAÍAS 4:5

Chai quipami Mandac Diosca punzhaca yana puyuta, tutaca rupacuc achicyachic ninata Sión urcupi tiyac tucui huasicunapac jahuapi churanga. Diosca paicunataca sumaimana achic nicuc-huan shinami tapanga.

JEREMÍAS 13:18

Jatun mandacta, jatun mandacpac mamataca: “Cancuna sumac mandac cashcata ricuchic coronaca cancunapac umamanta urmashcami. Chaimanta cumurishpa, allpapi tiyarichicyari” niyari.

JEREMÍAS 29:4

«Israelcunapac tucuita Mandac Diosca Jerusalenmanta Babilonia llactaman prezu rishcacunataca:

JEREMÍAS 47:3

Caballocuna tulun nishpa callpamucta uyashpa, carreta ruedacuna huacashcata uyashpami taitacunaca huahuacunata shitashpa callpanga. Yallita manchaihuan chucchushpami imata mana ruhuai pudinga.

JEREMÍAS 48:41

Chashna shamushpami, tucui llactacunatapish mishashpa, muyundita jatun pircashca llactacunatapish atishpa japinga. Chai punzhapica sinchi runacunapac shunguca sajuaric huarmi shinami tucunga.

JEREMÍAS 52:11

Babilonia llactata jatun mandacca Sedequiasta ñahuita surcushpami, cadenahuan huatashpa, Babilonia llactaman prezu aparca. Chai llactapimi huañungacaman prezu carca.

JEREMÍAS 52:13

Chashna rishpami, Mandac Diospac huasitapish, jatun mandacpac huasitapish, Jerusalenpi tiyac huasicunatapish, jatun huasicunatapish tucui rupachirca.

EZEQUIEL 24:21

“Mandac Diosca israelcunataca: Riquichic, cancunapac sumaimana ricucunalla, fuerzata japina, shungupi cushicuna ñuca huasitaca yangapimi churasha. Shinallatac saquirishca cancunapac churicunatapish, ushicunatapish espadahuanmi huañuchinga.

EZEQUIEL 24:25

Mandac Diosca: «Huañunalla runa, cunanca ñucahuan tapana huasita, paicunapac sumac churicunatapish, ushicunatapish tucuchishami.

DEUTERONOMIO 28:25

Mandac Diosca cancunataca piñaccunapac maquipimi llaquichichun churanga. Cancunaca macanacungapacca shuc ñanllatami llucshinguichic. Cutin paicunapac ñaupamantaca canchis ñantami cutinguichic. Chaita ricushpaca, tucui cai pachapi tiyac jatun mandaccunami mancharinga.

DEUTERONOMIO 32:30

Jatun Rumi shina Diosllatac mana mishachishca cacpica, ¿ima shinatac shuclla runa huaranga genteta callpachinga? ¿Ima shinatac ishcailla runa chunga huaranga genteta catishpa cachanga?