LAMENTACIONES 1:22 - Dios Rimashcata Quillcashcami

²² Paicuna tucui mana allita ruhuashcacunaca cambac ñaupapi ricurichun. Ñuca canta mana cazushpa llaquichishca shinallatac paicunatapish llaquichiyari. Ñucaca yallitami llaquirini. Ñuca shungutapish nananmi.

LAMENTACIONES 1:22 ပူးပေါင်းရင်းမြစ်များ

SALMOS 143:7

Mandac Dioslla, ñuca mañashcata utca cutichiyari. Ñucaca huañunalayami tucuni. Cambac ñahuita ama pacaichu. Can mana ricucpica, ña enterrashcalayami casha.

SALMOS 79:10

Ama shuctac gentecuna: «¿Maipitac cancunapac Diosca?» nichun saquichuyari. Shuctac gentecuna yachachun canta serviccunapac yahuarmantaca paicunatapish ñucanchic ñaupapi huañuchiyari.

ISAÍAS 13:7

Chaimantami tucuipac maquicuna irquiyanga. Tucuipac shungucunami huañunalla tucunga.

JEREMÍAS 10:25

Canta mana ricsic llactacunata, cambac shutipi mana mañac gentecunata yallita piñarishpa llaquichiyari. Chaica paicunami Jacobopac llactataca lambishpa micuc shina tucuchirca. Paicunami causana huasitapish shitashcata saquirca» nircani.

JEREMÍAS 18:23

Mandac Dioslla, paicuna ñucata huañuchingapac yuyaricushcataca yachanguimi. Paicunapac juchacunata ama cungaringuichu. Paicuna mana allita ruhuashcataca ama perdonanguichu. ¡Paicuna cambac ñaupapi urmachun, nina japiric shina piñariyari!

JEREMÍAS 30:16

Tucui canta tucuchiccunaca tucuchishcami canga. Canta piñaccunaca prezushcami canga. Canta saruccunaca sarushcami canga. Canmanta quichuccunamantapish quichungami. Canmanta shuhuaccunamantapish shuhuangami.

JEREMÍAS 51:35

¡Ñucata llaquichishcamantaca Babilonia llactata llaquichichun!» ningami. Sionpi causaccunaca: «¡Ñucanchic jichashca yahuarmantaca caldeocunata llaquichichun!» ningami.

JEREMÍAS 8:18

Cai yalli llaquimi ñitimucun. Ñuca shungupish chiriyanmi.

LAMENTACIONES 1:13

Mandac Diosca jahua pachamanta ninata cachashpami, ñuca tullucunacaman rupachirca. Ñuca purina ñanpi tucllata churashpami huashaman cutichirca. Tucuita tucuchishpa saquishpami, punzhanta llaquihuan saquirca.

LAMENTACIONES 5:17

Chaimantami ñucanchic shungupish chiriyashca. Ñucanchic ñahuipish amsayashcami.

SAN LUCAS 23:31

Verde yura shina ñucata cashna ruhuashpaca, chaquishca yura shina cancunatacarin, ¿imatachari ruhuanga?— nirca.

EFESIOS 3:13

Shina cashcamanta ñuca cancunamanta llaquita apacucpipish ama llaquirishpa, ashtahuanpish ñaupaman catichunmi mañani. Cancunapac allipacmi cashna llaquicunata apacuni.

APOCALIPSIS 6:10

Chaimanta sinchita caparishpaca: «Tucuita Mandac, jucha illac Dioslla, allpa pachapi causaccunataca, ¿ima punzhacamantac ñucanchicta huañuchishcamantaca taripashpa llaquichigringuiyari?» nircacuna.