LAMENTACIONES 1:2 - Dios Rimashcata Quillcashcami

² Tuta yallita huacacpimi, ñahui quingraita huiqui urmacunlla. Tucui paita cuyaccunamantaca pipish mana cushichinchu. Tucui paipac ricsishcacunaca cunanca piñanmi.

LAMENTACIONES 1:2 ပူးပေါင်းရင်းမြစ်များ

JOB 6:15

Ashtahuanpish ñucataca ñuca huauquicunallatacmi, yacu jundashpa shamuc shina llaquichin. Manchana jatun yacu shamuc shinami llaquichincuna.

JOB 7:3

Cashnami maijan quillacunata jatun llaquita apacuni. Ñucaca tutantami llaquicunata apacuni.

SALMOS 126:5

Huacashpa tarpuccunaca cushicushpami cosechangacuna.

SALMOS 31:11

Piñaccunaca burlashpami asincuna. Ñuca vecinocunapacpish, ñuca ricsishcacunapacpish mancharinami tucushcani. Maipi ñucata ricushpaca mancharishpami callpancuna.

SALMOS 6:6

Ñucaca yallita huacashpami shaicushca cani. Tucui tuta yallita huacashpami, huiquihuan saunatapish, camatapish jucuchini.

SALMOS 69:21

Micunata cunapac randica jayac hieltami curcacuna. Yacunayachicpica, vinagretami ubiachirca.

PROVERBIOS 19:7

Huaccha runataca tucui paipac huauquicunami mana ricunayachin. Paihuan apanacuccunacarin paimantaca caruyancunallami. Pai maijanhuan parlasha nishpapish pita mana taringachu.

JEREMÍAS 13:17

Ashtahuanpish cancuna caita mana uyashpa, jatun tucucpica, ñuca shungullapimi pacalla huacasha. Mandac Diospac ovejacunata prezu apashcamantami yallita llaquirishpa, ñuca ñahuimanta huiquita jichasha.

JEREMÍAS 2:25

Lluchu chaquilla purinamantapish, yacunayaihuan cunga chaquishpa purinamantapish cuidaringui nicpica canca: “Mana, mana saqui pudinichu. Ñucaca shuccunatami cuyani. Paicunatami catisha” nircanguimi.

JEREMÍAS 3:1

Mandac Diosca: “Maijanpish paipac huarmita shitacpi, chai huarmi paipacmanta rishpa, shuc carihuan tandaricpica, ¿punta cusaca chai huarmihuan cutin tandari pudingachu? Cutin tandarishpaca, tucui llactatami mapayachin. Canca achca caricunahuanmi chayarinacushpa causarcangui. Chashna cacpipish, ñucapacman cutimui” ninimi.

JEREMÍAS 30:14

Canta tucui cuyaccunapish ña mana yuyarinchu. Cantaca pipish mana mashcanchu. Cantaca ñucata piñac runata shinami chugrichircani. Canllatac yalli mana allita ruhuashcamanta, yalli juchayuc cashcamantami mana llaquishpa chugrichircani.

JEREMÍAS 4:30

Can chai llaquihuan cashpaca, ¿imatatac ruhuangui? Sumac pucanlla churanata churarishcapish, sumac coronata churarishcapish, cambac ñahui millmacunata yananllata ruhuashca cashpapish imata mana ruhuai pudinguichu. Yangami sumacta allichiringui. Canta cuyaccunaca canta piñashpami, huañuchingapac mashcancuna.

JEREMÍAS 9:1

¡Ñuca llactapi causaccuna huañushcamanta tutapish, punzhapish huacangapac, ñuca umaca yacu jundu shina, ñahuica tucyac yacu shina canmanlla!

LAMENTACIONES 1:19

Ñuca cuyashcacunata ayudachun cayacpica, paicunaca ñucallatami saquirca. Curacunapish, pushac yuyaccunapish, llactallapitacmi huañurca. Yarcaihuan mana huañungapac micunata mashcacushpapish huañurcami.

LAMENTACIONES 1:21

Ñuca llaquihuan caparishcata gentecuna uyashpapish, pi mana cushichircachu. Can ñucata llaquichishcata ñucata piñaccuna uyashpaca yallitami cushicurca. ¡Paicunapish ñuca llaquita apacuc shina, llaquita apachun, huillashca shina llaqui punzhacunata cachaiyari!

LAMENTACIONES 1:9

Churanatapish mapayachircami. Pai huañunataca mana yuyarircachu. Chaimantami paica cungailla urmarca. Pipish paitaca mana cushichircachu. Shina cashpami paica: “¡Mandac Dioslla, ñuca llaquita ricuiyari! ¡Ñucata piñaccunaca yallita jatun tucushcami!” nicun.

LAMENTACIONES 2:11

Ñuca llactapi causac huahuacunapish, chuchucuc huahuacunapish pambacunapi yarcaihuan huañuna shina siricucpimi, yallita huacani. Chashna huacacucllapitacmi huiquipish mana tiyan. Ñuca shungupish cuyurishpa, pambaman urmanalla shina tucun.

EZEQUIEL 16:37

Chaimantami canhuan huainayaccunatapish, cambac cuyashcacunatapish, can mana ricunayachishcacunatapish cambac ñaupapi tandachigrini. Chashna tandachishpa, cambac muyundipi churacpimi, can lluchulla cashcataca ricunga.

OSEAS 2:7

Paica cuyashcacunata cati rishpapish mana japingachu. Mashcashpapish mana taringachu. Chaimantami paica: «Ñaupa cusapacman cutisha. Paihuanca allimi causarcani, mana cunan punzhapi shinachu carcani» ningami.

MIQUEAS 7:5

Ricsishca runa ima nishcata ama cringuichu. Ama chai runapi shunguta churanguichu. Canhuan sueñuc huarmimantapish cuidaringui.

APOCALIPSIS 17:13

Chai chunga jatun mandaccunaca chai manchana animalmanmi mandanatapish, imata ruhuaclla canatapish cungapac shuc yuyailla tucushcacuna.

APOCALIPSIS 17:16

Can ricushca chai chunga gachucunapish, manchana animalpish cullquimanta huainayac huarmita piñashpami, tucuita quichushpa lluchullata saquinga. Paipac aichataca micungacunami, shinallatac rupachingacunami.