LAMENTACIONES 1:12 - Dios Rimashcata Quillcashcami

¹² Caita pasac maijancunaca, ¿manachu ñucata llaquinguichic? Mandac Dios nina japiric shina piñarishca punzhapi, ¿ñucata llaquichishca shina, llaquita ricushcanguichicchu?

LAMENTACIONES 1:12 ပူးပေါင်းရင်းမြစ်များ

SALMOS 88:16

Can yallita piñarishcaca ñitic shinami ñucataca llaquichicun. Can cachashca manchaimi yallita llaquichicun.

ISAÍAS 13:13

Tucuita Mandac Dios nina japiric shina piñari punzhapica jahua pachapish chucchungami, cai pachapish shucman ladoman cuyuchishcami canga.

JEREMÍAS 10:19

Ñucaca: «¡Aij, yallita llaquihuanmi cani! Ñuca chugrica mana jambipacmi. Cai ungüi nanaitaca apanallatami cani. Cai llaquitaca apanallatami cani.

JEREMÍAS 18:16

Chashnami paicunapac llactaca llaquinayaita tucuchicun. Tucui causaipi yallita burlashpa asina llactami tucunga. Maijanpish chai llactata pasacushpaca mancharishpa, umata cuyuchishpami pasanga.

JEREMÍAS 30:23

Mandac Diosca sinchi huaira jatarishca shinami piñarishca. Chashna sinchi huaira shina piñarishpami paita mana manchaccunataca llaquichinga.

JEREMÍAS 30:24

Mandac Dios yallita piñarishcaca paipac shungupi yuyarishcata pactachingacaman mana pasangachu. Tucuri punzhacunapimi chaitaca entendinguichic» ninmi.

JEREMÍAS 30:7

¡Aij, chai punzhaca yalli llaquimi cagrin! Chashna llaquica jaicapi mana tiyashcachu. Jacobopac huahua huahuacunamanca yalli llaqui punzhami canga. Shina cacpipish, paicunataca quishpichishami» ninmi.

JEREMÍAS 4:8

Chaimanta sharpa churanata churarishpa, yallita llaquirishpa, caparishpa huacaichicyari. Mandac Dios ñucaca cancunahuan piñarishcami cani» ninmi.

JEREMÍAS 48:27

Moab llactapi causaccuna, ¿cancunaca manachu israelcunataca shuhuacucta japishpa burlac shina asircanguichic?

LAMENTACIONES 1:18

Mandac Diosca cashcata ruhuacmi. Ñucami pai mandashcacunataca mana cazurcani. Tucui llactapi causaccuna, ñuca llaquita ricuichicyari. Carihuan manarac charishca solteracunapish, mosocunapish prezu japi tucurcami.

LAMENTACIONES 2:1

¡Mandac Dios yallita piñarishpami Siontaca amsayachirca! Sumac israelcunataca jahua pachamantami cai pachaman urmachirca. Pai piñarishca punzhapica paipac chaqui saruna Siontaca mana yuyarircachu.

LAMENTACIONES 2:13

Jerusalenpi causaccunalla, ¿canmantaca imatatac nishayari? ¿Pihuantac cancunataca chimbapurashayari? Carihuan manarac chayarishca soltera shina, Sionpi causaccunalla, cancunata cushichingapacca, ¿imatatac ruhuashayari? Llaquica mama cucha shina jatunmi. Chaitaca, ¿pitac allichingayari?

DANIEL 9:12

Canca cambac shimihuan ñucanchictapish, ñucanchicta mandaccunatapish llaquichishami nishcataca pactachishcanguimi. Jerusalenta llaquichishca shinaca, cai pachapica jaicapi mana tiyashcachu.

JOEL 2:2

¡Chai punzhaca pura tutami tucunga! ¡Puyushca llandu punzhami canga! ¡Tutamanta achicyachic luz shinami, sinchi runacunaca lomacunata shamunga! ¡Chashnaca ñaupa huatacunapish mana ricurishcachu! ¡Quipamanpish, huahua huahuacunacaman chai shinaca mana tiyangachu!

SAN MATEO 24:21

Chai punzhacunaca achca llaquimi canga. Cai pacha callari punzhamanta, cunancamanmi, chashna llaquica mana tiyashca. Quipapish mana tiyangachu.