JUECES 9:19 - Dios Rimashcata Quillcashcami

¹⁹ Cunanca, cancuna ñuca taita Jerobaaltapish, ñuca huauquicunatapish ima llaquita mana ruhuashpa allita ruhuashca yuyachicpica, cancunapish cancunata mandac Abimelec-huan, paipish cancunahuan alli cachun.

JUECES 9:19 ပူးပေါင်းရင်းမြစ်များ

ISAÍAS 8:6

«Cai gentecunaca casilla callpacuc Siloé yacuta yangapi churashpami Rezinhuan, Remaliaspac churihuan cushicurca.

FILIPENSES 3:3

Ashtahuanpish ñucanchicmi, Diospac Espíritu yuyaita cucpi Diosta shungumanta alli niccuna cashpa, Jesucristomanta cushicushpa, circuncisión ruhuashcatatac ricuchicunchic. Shina cashpami ñucanchicca aichapi imalla ruhuashcacunallapica mana shunguta churanchic.

SANTIAGO 4:16

Ashtahuanpish cancunaca jatun tucushpami, caitapish, chaitapish ruhuashunmi nicunguichic. Chai shina imapipish jatun tucunaca mana allichu.

JUECES 6:32

Chai punzhallatacmi Gedeontaca Jerobaal nishpa shutichirca. Chaica: “Baal-llatac paipac altarta tigrachishcamanta misachun” nisha ninmi.

JUECES 9:18

Cunan cancunaca ñuca taitapac aillucunata piñashcanguichicmi. Chaimantami ñucapac canchis chunga huauquicunata shuc rumi jahuapi huañuchircanguichic. Chaimantaca ñuca taitapac huashalla charina huarmipac huahua Abimelectami cancunapac huasi ucu cashcallamanta mandac cachun churashcanguichic.

JUECES 9:20

Mana chashna cacpica, Abimelecmanta nina llucshishpa Siquem pueblopi causaccunatapish, Milo pueblopi causaccunatapish tucui rupachichun, shinallatac cancunamanta nina llucshishpa Abimelecta tucuchichun» nirca.