JUECES 8:30 - Dios Rimashcata Quillcashcami

³⁰ Gedeonca achca huarmicunata charishcamantami canchis chunga churicunata charirca.

JUECES 8:30 ပူးပေါင်းရင်းမြစ်များ

GÉNESIS 2:24

Chaimantami carica taita mamata saquishpa, paipac huarmihuan tandarishpa, shuclla tucunga.

GÉNESIS 46:26

Jacobomanta mirarishca tucui churicunahuanmi Egiptoman rirca. Paipac churicunapac huarmicunata mana yupashca, tucui gentecunaca sucta chunga suctami rirca.

GÉNESIS 7:7

Noeca yacu juizhupi mana huañungapacmi paipac huarmindi, huahuacunandi, nueracunandi huambuc huasiman yaicurca.

1 REYES 11:3

Canchis patsac huarmitami charirca. Chai huarmicunaca jatun mandacpac huarmicunami carca. Caishuc huarmicunataca quimsa patsactami charirca. Chai huarmicunami Salomonpac shungutaca pandachirca.

2 REYES 10:1

Acabca Samaria pueblopica canchis chunga churitami charirca. Chaimantami Jehuca Jezreel pueblota mandaccunaman, pushac yuyaccunaman, Acabpac churicunata yachachiccunaman quillcashpa, Samaria puebloman cacharca. Chai quillcapica:

ÉXODO 1:5

Jacobopac tucui aillucunaca canchis chungami carca. Joseca ñami Egiptopi causacurca.

MALAQUÍAS 2:15

¿Manachu Mandac Diosca caritapish, huarmitapish cuerpondi, espiritundi shuclla shinata ruhuarca? ¿Imapactac chashna ruhuarca? ¡Paica, cancunapac huahua huahuacunapish, paipaclla cachunmi chashna ruhuarca! Chaimanta cancunapac yuyaita cuidarichic, ama cancunapac huarmita shitaichicchu.

DEUTERONOMIO 17:17

Chai mandacca paipac shungupi mana pandaringapacca, mana achca huarmita charinachu can. Mana shungupi achca curita, cullquita charinata munanachu can.

JUECES 10:4

Paica quimsa chunga churicunatami charirca. Chai churicunaca quimsa chunga burrocunapi montashpami puric carca. Shinallatac quimsa chunga pueblocunatami charirca. Chai pueblotaca cunancamanmi Jair pueblocuna nishpa cayan. Chai pueblocunaca Galaad llactapimi.

JUECES 12:14

Paica chuscu chunga churita, quimsa chunga nietotami charirca. Paicunaca canchis chunga burrocunatami montangapac charirca. Paica pusac huatatami israelcunapac juez carca.

JUECES 12:9

Paica quimsa chunga churita, quimsa chunga ushitami charirca. Chai ushicunataca shuctac llacta gentecunahuanmi cazarachirca. Cutin churicunamanca quimsa chunga huarmicunatami shuctac llactamanta apamurca. Ibzanca canchis huatatami juez carca.

JUECES 8:31

Shinallatac Siquem pueblopi causac caishuc huarmipipish huahuata charircami. Chai huahuataca Abimelectami shutichirca.

JUECES 9:1

Jerobaalpac churi Abimelecca paipac mamapac turicunahuan parlangapacmi Siquem puebloman rirca. Chaipi paicunahuan parlashpami paipac mamapac taitamanta familiacunataca:

JUECES 9:18

Cunan cancunaca ñuca taitapac aillucunata piñashcanguichicmi. Chaimantami ñucapac canchis chunga huauquicunata shuc rumi jahuapi huañuchircanguichic. Chaimantaca ñuca taitapac huashalla charina huarmipac huahua Abimelectami cancunapac huasi ucu cashcallamanta mandac cachun churashcanguichic.

JUECES 9:2

«Siquem pueblopi causaccunataca: “¿Jerobaalpac tucui canchis chunga churicuna mandashpachu alli canga? ¿Mana cashpaca shuclla jatun mandac tiyanachu alli canga?” nishpa paicunata cunaichic. Ñuca cancunapac aillupura cashcataca yachanguichicmi» nirca.

JUECES 9:5

Chai gentecunahuan paipac taita Jerobaal causana Ofra puebloman rishpami, paipac canchis chunga huauquicunata shuc rumi jahuapi tucui huañuchirca. Chaicunamantaca paicunapac tucuipac quipa huauqui Gerobaalpac churi Jotamllami miticushpa atirca.