JUECES 6:31 - Dios Rimashcata Quillcashcami

³¹ Chaimantami Joasca paipac ñaupapi caccunataca: —¿Cancunachu Baalmanta shayarishpa misashun ninguichic? Maijanpish Baal diosmanta shayarishpa misacca cunan tutamantallatac huañuchun. Baal ciertotac dios cashpaca paillatac paipac altarta misachun— nirca.

JUECES 6:31 ပူးပေါင်းရင်းမြစ်များ

1 REYES 18:27

Ña chaupi punzha tucucpimi, Eliasca paicunataca: «¡Paica shuc diosmi, sinchita caparichiclla! Paica imatami yuyaricunga, mana cashpaca imatami ruhuacunga. Mana cashpaca maimanmi rishca canga, mana cashpaca sueñucungami. Ricchachinami can» nirca.

1 REYES 18:29

Paicunaca chaupi punzha quipapish chishiyangacamanmi yuyaita chingachishca shina caparishpa catircacuna. Chaicamanca ñami animalta cushpa huañuchina horas tucurca. Chashna caparicucpipish, pi rimashcapish mana uyarircachu. Mañashcata pi cutichicpish mana tiyarcachu.

1 REYES 18:40

Chaimantami Eliasca: «¡Baal diosmanta huillaccunata shucllapish ama miticuchun, tucui japichi!» nirca. Shina nicpimi, tucui japircacuna. Shina japicpica, Cisón huaicuman apashpami, chai huillaccunataca cungata pitishpa huañuchirca.

ÉXODO 23:2

Taucacuna millaita ruhuashun nicpipish, ama paicunata catinguichu. Ama taucacuna llullashcallamanta pitapish llaquichinguichu.

ISAÍAS 41:23

Cancuna dioscuna cashcata yachangapac shamuc punzhacuna ima tucunata huillaichicyari. Mancharishpa parlanacungapac ima allitapish, mana allitapish ruhuashpa ricuchichicyari.

ISAÍAS 46:1

¡Bel diosca urmashcami! ¡Nebo diospish urmashcami! Chai dioscunataca cargana animalcunamanmi apachirca. Chai dioscunata apashpami animalcunaca shaicushca.

ISAÍAS 46:7

Chai diostaca huandushpami shuc pushtupi churan. Chaimantaca mana cuyurinchu. Maijan ima llaquimanta quishpichichun mañacpipish, mana quishpichinchu.

JEREMÍAS 10:11

Paicunataca: «Jahua pachata, cai pachata mana ruhuac dioscunaca cai pachamanta chingaringami» ningui.

JEREMÍAS 10:5

Pepino chagra chaupipi volac animalcunata manchachichun churashca shinami, mana rimarishpa shayacun. Mana puri pudicpimi, huandushpa apan. Chaicunaca ima allitapish, ima mana allitapish mana ruhuai pudinchu. Chaimanta ama manchaichicchu» ninmi.

NÚMEROS 14:6

Chaipica chai llactata ricungapac ricpuramanta Nunpac churi Josuepish, Jefonepac churi Calebpish llaquirishpami churanata lliquirishpa,

1 CORINTIOS 8:4

Ruhuashcalla dioscunaman animalcunata huañuchishpa, cushca aichata micunamanta nishpaca, ruhuashcalla dioscunaca cai pachapica ima mana canchu, ashtahuanpish shuclla Dios tiyashcatami yachanchic.

EFESIOS 5:11

Amsapi causac, mana allita ruhuaccuna shina yangallaca ama causaichicchu. Chaipac randica chashna ruhuaccunataca “mana allichu” nishpa rimashpami, achicman llucchina canguichic.

JUECES 6:30

—Cambac churica Baalpac altarta tigrachishcami. Asera huarmi diosta yuyarina yuratapish pitishcami. Chaimanta paita canzhaman llucchi. Paica huañunami can— nirca.

JUECES 6:32

Chai punzhallatacmi Gedeontaca Jerobaal nishpa shutichirca. Chaica: “Baal-llatac paipac altarta tigrachishcamanta misachun” nisha ninmi.

1 SAMUEL 12:11

Chaimantami Mandac Diosca cancunapac muyundipi causac cancunata piñaccunapac maquimanta quishpichichun Jerobaalta, Baracta, Jefteta shinallatac Samuelta cacharca. Chaimantami ima llaquipish mana japicpi, sumacta causarcanguichic.