JUECES 3:15 - Dios Rimashcata Quillcashcami

¹⁵ Chashna llaquita causacushpami israelcunaca Mandac Diosta caparishpa mañarca. Shina mañacpimi, Mandac Diosca chai llaquimanta llucchichun Benjamín aillumanta Gerapac churi imatapish lluquihuan ruhuac Aodta churarca. Paitami israelcunaca Moab llactata jatun mandac Eglonman shuc convidanata cugrichun cacharca.

JUECES 3:15 ပူးပေါင်းရင်းမြစ်များ

2 SAMUEL 20:10

Amasaca Joab maquipi espadata charicushcataca mana ricurcachu. Chaipimi Joabca espadata puzunpi satishpa, chunzhullita pambapi tallirca. Chashnami manarac shuc-huan saticpi ña huañurca. Quipataca Joabca paipac huauqui Abisaihuanmi Bicripac churi Sebata huañuchingapac catirca.

2 SAMUEL 20:9

Chaipimi Joabca Amasataca: —Ñuca huauquilla, ¿ima shinallatac cangui?— nishpa muchangapac Amasapac alli lado barbaspi japirirca.

1 CRÓNICAS 12:2

Chai runacunaca lluqui maquihuanpish, alli maquihuanpish arcohuan flechacunata shitanata, huaracahuan rumicunata shitanatapish alli yachaccunami carca.

1 CRÓNICAS 8:3

Belapac churicunaca: Adar, Gera, Abiud,

1 CRÓNICAS 8:5

Gera, Sefufán, shinallatac Hirammi carca.

2 CRÓNICAS 9:24

Tucui paicunami paiman cungapacca cullquimanta, curimanta ruhuashca alaja charinacunata, churarinacunata, macanacunata, mishquilla ashnacuc jambinacunata, caballocunata huatanta apamuccuna carca.

SALMOS 50:15

Llaqui punzhacunapi cashpa, ñucata mañangui. Ñuca llaquimanta llucchicpica, ñucata alli ningui» ninmi.

SALMOS 78:34

Shina huañuchicucpimi, Diosta mashcarcacuna. Shinami tucui munaihuan mana shaicushpa mashcarcacuna.

SALMOS 90:15

Ñucanchicca tauca huatacunatami llaquihuan cashcanchic. Chai huatacunapica mana allitami ricushcanchic. Chai tucui huatacunallatatac cushi causaita cuiyari.

PROVERBIOS 18:16

Ima caranata cushpami runapac shungutaca pascan. Mandaccunapacmanpish pushanllami.

PROVERBIOS 19:6

Alli shungu runa ayudachunca achcacunami mashcan. Imatapish carac runahuanca tucuimi apanacun.

PROVERBIOS 21:14

Imatapish pacalla carashpaca, yalli piñarishcatapish allichinmi. Pacalla pagashpaca nina japiric shina piñarishcatami allichin.

ISAÍAS 36:16

¡Ama Ezequías nishcata uyanguichicchu! Asiria llactata jatun mandacca: “Alli tucungapac ñucapacman shamuichic. Shina ruhuashpaca, tucui cancunami cancunapac uvas chagramanta, olivos chagramanta micunguichic. Yacutapish tucui cancunami quiquin junducunamanta ubianguichic.

JEREMÍAS 33:3

Ñucata caparishpa mañailla, ñucaca uyashallami. Can mana yachashca, pacalla tiyacuc jatun yachaicunatami yachachisha.

JUECES 2:16

Shina cashpapish Mandac Diosca imatapish shuhuashpa puriccunapac maquimanta quishpichichunmi juezcunata churarca.

JUECES 20:16

Chai tucui gentecunamantaca imatapish lluquihuan ruhuac canchis patsac runacunatami acllarca. Paicunaca ashallatapish mana pandarishpa, huaracahuan shuc acchapitac shitacmi carca.

JUECES 3:14

Chaimantami israelcunaca chunga pusac huatata jatun mandac Eglonta servishpa causarcacuna.

JUECES 3:16

Aodca chaupi metro ishcai filoyuc espadatami ruhuashca carca. Chai espadatami paipac churana ucuta alli lado cinturapi huarcuchishpa rirca.

JUECES 3:9

Israelcuna chashna llaquita apashpa Mandac Diosta caparishpa mañacpimi, Mandac Diosca chai llaquimanta llucchirca. Chai llaquimanta llucchicca Cenazpac churi Calebpac quipa huauqui Otonielmi carca.

JUECES 4:3

Jatun mandac Jabinca iscun patsac fierro carretatami charirca. Shinallatac ishcai chunga huatatami yallita llaquichirca. Chaimantami israelcunaca Mandac Diosta caparishpa mañarcacuna.

1 SAMUEL 10:27

Ashtahuanpish mana alli shunguyuc runacunaca: «¿Ima shinatac ñucanchictaca llaquimanta llucchinga?» nishpami, yangapi churashpa imata cungapacpish mana apamurca. Ashtahuanpish Saulca mana uyac tucushpa rircallami.