JUECES 20:35 - Dios Rimashcata Quillcashcami

³⁵ Chai macanacuita Mandac Dios ayudacpimi, chai punzhapica israelcunaca Benjamín aillucunataca ishcai chunga pichca huaranga shuc patsac espadahuan macanacunata alli yachac sinchi runacunata huañuchirca.

JUECES 20:35 ပူးပေါင်းရင်းမြစ်များ

JOB 20:5

Mana allita ruhuaccunapac cushicuica utcami tucurin, Diosta mana manchac runapac cushicuipish ashacamallami can.

JUECES 20:15

Chai punzhapica Benjamín aillucunaca ishcai chunga sucta huaranga runacunami tucui pueblomanta llucshishpa tandanacurca. Paicunaca espadahuan allita macanacuc runacunami carca. Gabaa pueblopi cac canchis patsac soldadocunataca mana yupashcachu carca.

JUECES 20:34

Chashnami Gabaa pueblopi causaccunahuan macanacungapac tucui israelcunata chunga huaranga runacunata acllarca. Chai macanacui yalli sinchiyacucpipish Benjamín aillucunaca ima llaquicuna paicunata japigricushcataca mana yacharcacunachu.

JUECES 20:36

Chaita ricushpami Benjamín aillucunaca: “¡Ñucanchictaca ña atincunami!” nirca. Israelcunaca Gabaa pueblo muyundipi pacalla chapac runacuna atingacunallami nishpami, Benjamín aillucunahuan macanacushca pushtumantaca caruyarca.