JUECES 19:30 - Dios Rimashcata Quillcashcami

³⁰ Chaita ricushpami israelcunaca: —¡Caitaca israelcuna Egipto llactamanta shamushca punzhamanta cunancaman pipish mana ruhuashcachu, mana ricushcanchicchu! Cunanca yuyarinacushpa, tapunacushpa imata ruhuanami can— nirca.

JUECES 19:30 ပူးပေါင်းရင်းမြစ်များ

PROVERBIOS 11:14

Shuc mandac pueblota mana allita mandacpica, llaqui tucushpa urmangami. Ashtahuanpish cunaccuna achca tiyacpica, mana llaqui tucungachu.

PROVERBIOS 13:10

Cariyashpa jatun tucuccunaca piñanacuipimi churan. Ashtahuanpish cunashcata uyaccunami allita yachaccuna can.

PROVERBIOS 15:22

Mana tapunacushpa imata ruhuashcaca, chingarinmi. Ashtahuanpish taucacuna yuyaita cushcaca allimi ruhuarin.

PROVERBIOS 20:18

Ima ruhuanata yuyarishcaca cunashcahuanmi alli llucshin. Jatun macanacuitaca allita yuyarishpami ruhuana can.

PROVERBIOS 24:6

Jatun macanacuitaca alli yuyaihuanmi ruhuana. Alli yachaccuna cunacpimi, jatun macanacuitaca mishachinga.

OSEAS 9:9

Gabaa llactapi causaccuna shinallatacmi yallita millaita ruhuashpa causarca. Cunanca, paicuna mana allita ruhuashcata Mandac Dios yuyarishpami llaquichinga.

JUECES 20:7

Riquichic, tucui cancunami israelcuna canguichic. Chaimanta cancuna parlanacushpa ima yuyaita cuichicyari— nirca.