JUECES 18:31 - Dios Rimashcata Quillcashcami

³¹ Chashnami paicuna alli ningapac Micaías ruhuashca diosta Diospaclla carpa huasi Silo pueblopi tiyashca punzhacunacaman chaipi charircacuna.

JUECES 18:31 ပူးပေါင်းရင်းမြစ်များ

JEREMÍAS 41:5

Siquem, Silo, Samaria llactacunamanta pusac chunga runacuna Mizpa llactaman shamurca. Paicunaca barbasta pitishca, churanacunapish lliquishca, tucui cuerpopish aspishcami ofrendata, inciensota, Mandac Diospac huasiman apamurca.

JEREMÍAS 7:12

Ñaupa punzhacunapi ñuca shutita causachun churashca Silo llactaman richic. Chaipi ñuca acllashca israelcuna mana allita ruhuashcamanta ñuca imata ruhuashcata ricuichic.

JOSUÉ 18:1

Tucui tandanacushca israelcuna chai llactacunata japishca quipaca, Silo pueblopimi tandanacushpa, Dios-huan tupana huasita shayachirca.

JUECES 19:18

Shina tapucpi paica: —Judá llacta Belén pueblomantami Efraín urcu llactaman ringapacmi caipi samaricunchic. Chai caru llactamantami ñucaca cani. Ñucaca Judá llacta Belén pueblomanmi rircani. Cunanca Mandac Diospac huasimanmi ricuni. Shinapish pi mana pozachisha ninchu.

JUECES 21:19

Israelcunaca: «Riquichic, huatantami Silo pueblopi Mandac Diosman shuc fiesta ruhuancuna. Silo puebloca Bet-el pueblomanta jahuamanmi saquirin. Bet-elmanta Siquemman rina ñanta, inti llucshina ladoman Lebona pueblomantaca ura ladomanmi can» nirca.

JUECES 21:21

Chaipica, Silo pueblomanta solteracuna muyushpa bailangapac llucshicucpica, cancunapish uvas chagramanta llucshishpa cada shuc, shuc solterata shuhuashpa Benjamín llactaman apamuichic.

1 SAMUEL 1:3

Elcanaca Mandac Diosta alli ningapac animalta cushpa huañuchingapacmi, pai causana pueblomantaca Silo puebloman huatanta huichai ric carca. Chaipica Elipac ishcai churicuna Ofni, Fineesmi, Mandac Diospac curacuna carca.

1 SAMUEL 4:4

Shina nicpimi, israelcunaca maijan gentecunata Silo pueblomanta querubincunapac chaupipi tiyac tucuita Mandac Dios ari nishca quillcata huacaichina Arcata apamuchun cacharca. Paicunahuanca Elipac churicuna, Ofnipish, Fineaspish rircami.