JUECES 16:6 - Dios Rimashcata Quillcashcami

⁶ Chaimantami Dalila Sansontaca: —¿Ima shinatac canca yalli fuerzata charingui? ¿Ima shina huatashpatac cantaca ati pudinchic?— nirca.

JUECES 16:6 ပူးပေါင်းရင်းမြစ်များ

NEHEMÍAS 6:4

Chuscu cutincamanmi chaillatatac nichun cacharca. Ñucapish punta nishca shinallatacmi nircani.

SALMOS 12:2

Caishuc chaishucmi shuctac runacunahuan llullanacuncuna. Imatapish nic tucuclla, mishqui shimi jayac shungucunami.

PROVERBIOS 22:14

Shucpac huarmi rimashcaca yallita ucu jutcu shinami. Mandac Dios piñashca runaca chai huarmihuanmi juchapi urmanga.

PROVERBIOS 26:28

Llulla callu runaca llaquichishca runatami ashtahuan llaquichin. Crinallata llullashpa parlashcaca llaquipimi urmachin.

PROVERBIOS 6:26

Cullquimanta huainayac huarmihuan puric runaca, pitishca tanda shinami saquiringa. Cusayuc huarmihuan puric runaca paipac valishca causaitami chingachin.

PROVERBIOS 7:21

Mishquilla rimaicunahuanmi ari nichirca. Sumac shimicunahuanmi inquitarca.

MIQUEAS 7:2

Cai pachapica llaquicpish, cashcata ruhuacpish mana tiyanchu. Tucui runacunami huañuchinata munan. Tucui runacunami shuctac runacunata huañuchingapac tucllata churan.

MIQUEAS 7:5

Ricsishca runa ima nishcata ama cringuichu. Ama chai runapi shunguta churanguichu. Canhuan sueñuc huarmimantapish cuidaringui.

JUECES 14:17

Shinami Sansonpac huarmica chai canchis punzha fiestacunapi huacacurcalla. Shina huacacucllapimi canchis punzhapica imata nisha nicushcataca huillarca. Chashna huillacpimi, huarmica chai pueblopi causaccunaman huillarca.

JUECES 16:5

Chai huarmipacman filisteocunata pushaccuna rishpaca: —Sansontaca ima shinapish inquitashpa, ima shina yalli fuerzata charishcata, ima shina paita mishanata tapui. Chaita yachashpami, paitaca alli huatashpa mandashpa charichun. Canmanca ñucanchicca cada shucmi huaranga shuc patsac cullquita cushun— nircacuna.

JUECES 16:7

Shina nicpimi Sansonca: —Ñucaca manarac chaquishca canchis anguhuan huatacpimi, mana fuerzata charishpa irquiyashpa shuctac runacuna shina saquirisha— nirca.