JUECES 16:25 - Dios Rimashcata Quillcashcami

²⁵ Paicunaca tucui shunguhuan cushilla cashpami: —Sansonta burlashpa asingapac llucchimugrichic— nircacuna. Sansonta burlashpa asingapacmi, carcelmanta llucchishpa, jatun huasi ishcai pilar chaupipi shayachircacuna.

JUECES 16:25 ပူးပေါင်းရင်းမြစ်များ

2 SAMUEL 13:28

Ña utcamanmi Absalonca paita serviccunataca: «Amnón vinota ubiashpa yallita cushilla tiyacucpi, ñuca señata ruhuashpa: “¡Amnonta chugrichichic!” nicpica huañuchinguichiclla. Ñucami mandani. Chaimanta ama manchashpa sinchi sinchi caichic» nishcami carca.

1 REYES 20:12

Ben-adad caishuc jatun mandaccunahuan carpa huasicunapi ubiashpa tiyacpimi, huillangapac chayarcacuna. Shina huillacpimi, paita serviccunataca: «¡Macanacuiman ringapac allichirichic!» nishpa mandarca. Shina mandacpimi, paicunaca Samaria llactapi causaccunahuan macanacungapac allichirircacuna.

ESTER 1:10

Ña canchis punzha tucucpimi, jatun mandac Asueroca vinota ubiashpa, shungupi yallita cushicuihuan cashpa, paipac ñaupapi servishpa causac eunuco runacunataca: Mehumanta, Biztata, Harbanata, Bigtata, Abagtata, Zetarta shinallatac Carcasta cayarca.

ESTER 3:15

Jatun mandac mandacpimi, quillcata apaccunaca utca llucshirca. Chai mandashcataca llactata mandana Susa pueblopimi quillcarca. Chai quipami jatun mandac-huan, Amanhuanca ubiangapac tiyarirca. Ashtahuanpish Susa pueblopi causaccunaca yallitami mancharirca.

SALMOS 69:12

Pueblo pungupi tandanacushca runacunapish ñucata piñashpami rimarcacuna. Machashcacunapish ñucata mana alli nishpami cantarcacuna.

SALMOS 69:26

Paicunaca llaquihuan cac runatami llaquichincuna. Can nanachishca runatami mana alli nishpa parlancuna.

ISAÍAS 22:13

Huagracunata, ovejacunata huañuchishpa, micushpa, vinota ubiashpa yallita cushicushpami: «¡Micushunchic, ubiashunchic, cayaca huañushunmi!» ninguichic.

SAN MATEO 27:29

Cashamanta ahuashca coronata umapi churachishpami, shuc taunata alli maquipi charichirca. Chashna nic tucushpalla, paipac ñaupapi cungurishpaca: —¡Israelcunata Jatun Mandac, canca allimari cangui!— nircacuna.

HEBREOS 11:36

Cutin shuccunaca burlashpa asishcapish, macashcapish, cadenahuan huatashcapish, carcelpipish carcami.

JUECES 16:24

Chaita tucui gentecuna ricushpami, paicunapac diosta alli nishpaca: «¡Ñucanchic diosmi ñucanchicta piñac, ñucanchic llactata llaquichicta ñucanchic maquipi churashca. Paimi ñucanchicpura gentecunataca yallita huañuchirca!» nircacuna.

JUECES 16:26

Chaipimi Sansonca maquimanta aisashpa shamuc huambrataca: —Huasita charicuc ishcai pilarcunapi taunallingapac ñuca maquita chayachi— nirca.

JUECES 18:20

Shina nicpimi, chai curaca tucui shunguhuan cushichishpa efodtapish, huasipi charina diostapish, cullquita yacuyachishpa, caspita llacllashpa ruhuashca diostapish apashpa, paicunapac chaupita rirca.

JUECES 19:6

Shina nicpimi, chaipi tiyarishpa ishcai tucushpa micurcacuna, ubiarcacuna. Shina cashpami chai huarmipac taitaca: —Cunan tuta caipi pacariyari, cushicunguimi— nirca.

JUECES 19:9

Shina micushpaca, caishuc huarmihuan, paipac servic-huan cutingapacmi jatarirca. Shina cutigricpimi chai huarmipac taitaca: —Riqui, punzhaca chishiyashpa tutayamucunmi. Chaimanta can cushilla canguica caipi pacariyari. Caya utca jatarishpa cambac huasiman ringuillami— nirca.

JUECES 9:27

Paicunaca chai pueblopi causaccunahuanmi uvas chagraman rishpa uvasta pallashpa sarushpa capirca. Chai quipaca jatun fiestata ruhuashpami ruhuashcalla dioscunata yuyarina huasiman yaicushpa, ubiashpa, micushpa Abimelectaca imapish tucushca canman nircacuna.