JUECES 16:19 - Dios Rimashcata Quillcashcami

¹⁹ Dalilaca Sansonta changapi sueñuchishpami shuc runata cayashpa chai canchis accha jimbata pitichirca. Shina piticpi, Sansón fuerza illac tucucpimi, paitaca llaquichi callarirca.

JUECES 16:19 ပူးပေါင်းရင်းမြစ်များ

ECLESIASTÉS 7:26

Tuclla shina, linchi shina shunguta charic, huatana huascata shina maquita charic huarmica huañuitapish yalli jayac cactami ricurcani. Diosta cushichic runallami chai huarmimantaca quishpiringa. Ashtahuanpish juchayuc runaca, chai huarmihuanmi prezushca shina saquiringa.

JUECES 16:18

Sansón mana llullashpa tucui shungumanta huillashcata yachashpami, Dalilaca filisteocunata pushaccunata cayachun cachashpaca: «Pai ima shina yalli fuerzata charishcata, shungupi pacashcataca yachanimi» nichun cacharca. Chashna cayacpimi filisteocunaca cullquita apashpa chai huarmipacman rirca.

JUECES 16:20

Chaimantami Dalilaca: «¡Sansón, filisteocunaca canta japigricunca!» nishpa caparirca. Sansón riccharishpaca: «Cutinllatac atishami» yuyashpa jatarirca. Ashtahuanpish paica Mandac Dios paimanta anchurishcataca mana yacharcachu.