JUECES 16:15 - Dios Rimashcata Quillcashcami

¹⁵ Shina ruhuacpi Dalilaca: —¿Manapish ñucapi shunguta churashpaca ima shinatac cantaca cuyanimi ningui? Caihuanca ña quimsa cutinmi ñucata burlashpa can ima shina yallita fuerzata charishcataca mana huillashcangui— nirca.

JUECES 16:15 ပူးပေါင်းရင်းမြစ်များ

GÉNESIS 29:20

Shinami Jacoboca Raquelmantaca canchis huatata trabajangapac saquirirca. Shina cacpipish, Raquelta yallita cuyashcamantaca ashalla huatacuna shinami Jacobomanca ricurirca.

2 SAMUEL 16:17

Chaita uyashpami Absalonca: —¿Chashnachu canhuan apanacuctaca ruhuangui? ¿Ima nishpatac paihuan mana rircangui?— nirca.

NEHEMÍAS 6:4

Chuscu cutincamanmi chaillatatac nichun cacharca. Ñucapish punta nishca shinallatacmi nircani.

PROVERBIOS 2:16

Shucpac huarmimanta cacharichingami. Mana ricsishca huarmicuna sumacta rimashpa, inquitacpipish cuidangami.

PROVERBIOS 23:26

Ñuca huahualla, tucui shunguhuan ñucata uyaiyari. Cambac ñahuihuanca ñuca ima shina causashcata ricuiyari.

SAN JUAN 14:15

Ñucata cuyashpaca, ñuca mandashcacunata cazunguichic.

SAN JUAN 15:10

Ima shinami ñuca Taita mandashcacunata pactachishpa, paipac cuyashca cani, chai shinallatacmi cancunatapish ñuca mandashcacunata pactachicpica cuyasha.

DEUTERONOMIO 6:5

Mandac Diostaca tucui shunguhuan, tucui yuyaihuan, tucui munaihuan cuyangui.

1 JUAN 5:3

Maijanpish Diosta cuyacca pai mandashcatami pactachin. Pai mandashcacunaca pactachinallami can.

JUECES 14:16

Chaimantami Sansonpac huarmica paipac ñaupapi huacashpaca: —Ñucata cuyanapac randica piñashpallami puringui, ñuca llactapi causaccunaman imashi imashita huillashpapish chai ima nisha nicushcataca mana ñucaman huillashcanguichu— nirca. Shina nicpimi Sansonca: —Ñuca taitamanpish, mamamanpish mana huillashcanichu. Shina cashpaca maitatac canmanca huillashayari— nirca.

JUECES 16:14

Quipaca telar ishtacahuan huatashpami: —¡Sansón, filisteocunaca canta japigricunca!— nishpa caparirca. Shina caparicpimi Sansón riccharishpa, telar ishtacataca ahuashca pañondi llucchishpa jatarirca.

JUECES 16:16

Punzhanta chashna tapucucllapimi Sansonca, yallita shungupi nanarishpa huañunalla tucurca.