JUECES 15:11 - Dios Rimashcata Quillcashcami

¹¹ Shina nicpimi, Judá aillucunaca quimsa huaranga runacunahuan Etam jatun quingraipi tiyac machaiman rishpa Sansontaca: —¿Ima nishpatac chaita ruhuarcangui? ¿Filisteocuna ñucanchicta mandashpa charicuctaca manachu yachangui?— nircacuna. Shina nicpimi Sansonca: —Paicuna ñucata ima shina llaquichishca shinallatacmi paicunatapish llaquichircani— nirca.

JUECES 15:11 ပူးပေါင်းရင်းမြစ်များ

1 CRÓNICAS 4:3

Etampac taitapac churicunaca Jezreel, Isma, Idbasmi carca. Paicunapac panica Haze-lelponimi carca.

LEVÍTICO 26:25

Ñucahuan ari nishcata mana cazushcamantaca ñucapish chashnallatacmi cancunataca espadahuan llaquichiccunata cachashpa llaquichisha. Chai llaquimanta cancunapac llactapi miticugricpipish, jatun ungüita cachashpami, cancunata piñaccunapac maquipi churasha.

DEUTERONOMIO 28:13

Cunan, ñuca huillashca Mandac Dios mandashcacunatapish, yachachishcacunatapish cazushpaca, uma shina mandacmi canguichic, ashtahuanpish mana chupa shinachu canguichic. Chashnami cancunalla mandashpa causanguichic. Pipish cancunataca mana mandangachu.

DEUTERONOMIO 28:43

Shuctac llactamanta shamushpa, cancunapac chaupipi causac runacunami cancunamantaca punzhanta chayucyanga. Cutin cancunaca punzhantami huacchayanguichic.

JUECES 13:1

Israelcunaca cutinllatac Mandac Diospac ñaupapi mana allita ruhuai callaricpimi, Mandac Diosca chuscu chunga huatata filisteocunapac maquipi churarca.

JUECES 14:4

Chai huatacunaca filisteocunami israelcunata macashpa causacurca. Chaimantami Mandac Diosca israelcunahuan, filisteocunahuan piñanacuchingapac chashna ruhuarca. Cai yuyaicuna Diosmanta shamushcataca taita mamaca mana yacharcachu.

JUECES 15:10

Chaipimi Judá aillucunaca: —¿Ima nishpatac ñucanchic-huan macanacungapac shamungui?— nishpa filisteocunataca tapurca. Shina tapucpi filisteocunaca: —Sansonta japishpa pai ima ruhuashca shinallatac paitapish llaquichingapacmi shamunchic— nircacuna.

JUECES 15:12

Shina nicpimi, Judá aillucunaca: —Ñucanchicca canta huatashpa filisteocunapac maquipi churangapacmi shamunchic— nircacuna. Shina nicpimi Sansonca: —Ñucata mana huañuchingapac Diospac shutipi ari nichic— nirca. Shina nicpimi paicunaca: