JUECES 14:9 - Dios Rimashcata Quillcashcami

⁹ Chai mishquita maquihuan japishpami Sansonca micushpa ñanta rirca. Ña taita mamahuan tupashpaca paicunamanpish cararcami. Shina carashpapish león huañushcamanta mishquita llucchishcataca mana parlarcachu.

JUECES 14:9 ပူးပေါင်းရင်းမြစ်များ

PROVERBIOS 24:13

Ñuca huahualla, bunga mishquica allimi. Chaimanta japishpa micuilla. Sinchiyashca bunga mishquipish cambac shimipica mishquimi canga.

PROVERBIOS 25:15

Mandac piñaricpica, allimantallami cushichina. Sumac rimaicunaca tullutapish paquinllami.

JUECES 14:10

Sansonpac taitaca chai solterata ricugrircami. Chai quipaca Sansonca mosocuna ruhuac shinallatacmi paipish jatun micuita ruhuarca.

JUECES 14:8

Asha punzhacuna quipa cazarangapac cuticushpami, Sansonca león huañushcata ricungapac ñanmanta caruyashpa rirca. Chaipica león huañushcapi achca avejacuna mishquita huachashcatami ricurca.

1 SAMUEL 10:16

Shina nicpimi, Saulca paipac tiotaca: —Burrocunaca taririshca nishpami huillarca— nirca. Shina huillashpapish pai jatun mandac tucuna cashcata Samuel huillashcataca imata mana huillarcachu.

1 SAMUEL 14:1

Shuc punzhami Saulpac churi Jonatanca escudota apac runataca: —Chimbapi cuidacuc filisteocunahuan macanacungapac pasashun— nirca. Shina rishpapish paipac taita Saulman mana huillashpami rirca.