JUECES 14:17 - Dios Rimashcata Quillcashcami

¹⁷ Shinami Sansonpac huarmica chai canchis punzha fiestacunapi huacacurcalla. Shina huacacucllapimi canchis punzhapica imata nisha nicushcataca huillarca. Chashna huillacpimi, huarmica chai pueblopi causaccunaman huillarca.

JUECES 14:17 ပူးပေါင်းရင်းမြစ်များ

GÉNESIS 3:6

Shina nicpimi, huarmica chai yurapi cac murutaca micungapac alli cacta, sumaimana ricunalla cacta, shinallatac yachac cangapacpish alli cacta ricurca. Chaimantami chai yuramanta japirca, micurca, cusamanpish cucpi, paipish micurca.

JOB 2:9

Chashna cacpimi, paipac huarmica: —¿Cunancamanchu Diosta cazushpa catingui? ¡Diosta mana alli nishpa rimashpa huañui!— nirca.

PROVERBIOS 7:21

Mishquilla rimaicunahuanmi ari nichirca. Sumac shimicunahuanmi inquitarca.

JEREMÍAS 9:3

Paicunapac calluhuanca flechata shitac shinami llullan. Cashcata ninapac randica, ashtahuan ashtahuan millaita ruhuashpami, mandac Diostaca mana ricsirca.

MIQUEAS 7:5

Ricsishca runa ima nishcata ama cringuichu. Ama chai runapi shunguta churanguichu. Canhuan sueñuc huarmimantapish cuidaringui.

SAN LUCAS 11:8

Mana paipac ricsishca cashcamantachu mañashcata cungapac jatarinman, ashtahuanpish ama cayashpa piñachichunmi, jatarishpa mañashcata cunman.

JUECES 14:16

Chaimantami Sansonpac huarmica paipac ñaupapi huacashpaca: —Ñucata cuyanapac randica piñashpallami puringui, ñuca llactapi causaccunaman imashi imashita huillashpapish chai ima nisha nicushcataca mana ñucaman huillashcanguichu— nirca. Shina nicpimi Sansonca: —Ñuca taitamanpish, mamamanpish mana huillashcanichu. Shina cashpaca maitatac canmanca huillashayari— nirca.

JUECES 14:18

Chai canchis punzha manarac inti tigracpimi, chai pueblo gentecunaca: —¿Bunga mishquita atishpa ashtahuan mishquica tiyangachu? ¿Leonta atishpa ashtahuan sinchica tiyangachu?— nirca. Shina nicpimi Sansonca: —Ñuca vaquillahuan mana yapushpaca, cai imashi imashi imata nisha nicushcata manatac huillanguichicmanchu carca— nirca.

JUECES 16:13

Chashna piticpimi Dalilaca Sansontaca: —Cunancamanmi canca llullashpa ñucata burlashcangui. Canta ima shina huatanata huillaiyari— nirca. Shina nicpimi Sansonca: —Ñuca acchata telar ñacchahuan canchis jimbata ruhuashpa telar ishtacahuan pirca cuchupi huatacpica, irquiyashpa shuctac runacuna shinami casha— nirca. Shina nicpimi, Dalila huarmica Sansonta sueñuchishpa telar ñacchahuan canchis jimbata ruhuarca.

JUECES 16:16

Punzhanta chashna tapucucllapimi Sansonca, yallita shungupi nanarishpa huañunalla tucurca.

JUECES 16:6

Chaimantami Dalila Sansontaca: —¿Ima shinatac canca yalli fuerzata charingui? ¿Ima shina huatashpatac cantaca ati pudinchic?— nirca.