JUECES 14:12 - Dios Rimashcata Quillcashcami

¹² Shina apamucpimi Sansonca: —Cunanca cai imashi imashitami huillagrini. Cancuna cai canchis punzha fiesta tucuringacaman cai imashi imata nisha nicushcata tarishpa huillacpica, ñucami quimsa chunga lino churanatapish, quimsa chunga bodapi churanatapish cusha.

JUECES 14:12 ပူးပေါင်းရင်းမြစ်များ

GÉNESIS 45:22

Tucui paicunamanmi mushuc churanacunata cushpa, Benjaminmanca quimsa patsac cullquitapish, pichca mushuc churanatapish curca.

1 REYES 10:1

Sabá llactata jatun mandac huarmica Salomontaca Mandac Diospac shutimanta tucui alli nishpa parlanacucta uyashpami, mana cutichi pudipac tapuicunata tapushpa yachangapac shamurca.

2 REYES 5:22

Shina tapucpimi Giezica: —Allillami cani. Shina cacpipish, ñucata mandacmi: “Efraín urcumantami Dios ima nishcata huillaccunapac ishcai churi ñucapacman cunanlla chayamun. Paicunaman carangapacmi shuc talento cullquita, ishcai mushuc churanata cui” nichun cachan— nirca.

2 REYES 5:5

Shina nicpimi, Siria llactata jatun mandacca: —Shina cashpaca rilla. Ñucami Israel llactata jatun mandacman shuc quillcata cachagrini— nirca. Shina nicpimi, Naamanca chunga talento cullquita, sucta huaranga siclos curita, chunga mushuc churanata apashpa rirca.

2 CRÓNICAS 7:8

Salomonca canchis punzhatami fiestata ruhuarca. Paihuanca Hamat puebloman yaicuna ladomantaca Egipto jatun yacu ladocamanmi achca israelcuna tandanacurca.

SALMOS 49:4

Yuyaita japina rimaicunahuan rimashcataca uyashami. Mana entendipac rimaicunataca arpapi tocashpami huillasha.

PROVERBIOS 1:6

Yuyaita cuc, yachachishca rimaicunaca, yachaisapacuna rimashcatapish, yuyaita japina rimaicunatapish pi mana yachai tucushcatapish, yachangapacmi.

PROVERBIOS 31:24

Baitacunata ahuashpami catun. Catushpa, randishpa puriccunamanmi chumbicunatapish achcata catun.

EZEQUIEL 17:2

«Huañunalla runa, chimbapurashpa israelcunaman shuc parlota

EZEQUIEL 20:49

Shina nicpimi ñucaca: «¡Mandac Dioslla! Paicunaca ñucataca: “Cai runaca chimbapurashca parlocunallatami parlashpa purin” nincunami» nircani.

SAN MATEO 13:13

Chaimantami paicunamanca chimbapurashpa parlani. Paicunaca ricushpapish, mana ricushca shina, uyashpapish mana uyashca shinami, mana entendincuna.

SAN MATEO 13:34

Jesusca tucui caicunataca, chimbapurashca parlocunallahuanmi yachachirca. Chashnaca,

SAN MATEO 27:28

Chaipimi soldadocunaca Jesuspac churanata surcuchishpa, amsa puca churanata pachallichirca.

SAN MATEO 6:19

Ama cai pachallapi chayuc canata munaichicchu. Chai charishcacunataca polillapish micunllami, ismunllami. Huasita jutcushpa shuhuanllami.

SAN LUCAS 14:7

Jesús micungapac cayashcacuna punta tiyarinata mashcashpa tiyaricucta ricushpaca:

SAN JUAN 16:29

Shina nicpimi yachacuccunaca: —Cunanmi entendinallatac parlacungui, ashtahuanpish ña mana chimbapurashpachu parlacungui.

1 CORINTIOS 13:12

Cunanca espejopi amsa amsallata ricucushca shinami, ashallata yachanchic. Shina cashpapish shamuc punzhaca ima shina cashcatatac, ñahui ñahuimari ricushun. Cunanca chaitaca mana yachanichu. Shina cashpapish, ima shinami Dios ñucata ricsin, shinallatacmi shamuc punzhaca ricsisha.

SANTIAGO 5:2

Cancuna yallita charishcaca ismungami. Cancunapac churanacunatapish polilla curucunami micunga.

JUECES 14:11

Filisteocunaca quimsa chunga quipa huiñaicunatami Sansonhuan cachun apamurcacuna.

JUECES 14:13

Chai canchis punzha fiestapi ima nisha nicushcata mana huillashpaca cancunami quimsa chunga lino churanatapish, quimsa chunga bodapi churanatapish ñucaman cunguichic— nirca. Shina nicpimi paicunaca: —Imashi imashita huillai, uyashunllami— nirca.