SAN JUDAS 1:9 - Dios Rimashcata Quillcashcami

⁹ Angelcunata jatun mandac ángel Miguelpish, diablohuan Moisespac huañushca cuerpota quichunacushpa piñanacushpapish, diablotaca mana millaita rimarcachu, ashtahuanpish “Diosllatac llaquichichun” nircami.

Nuevo Testamento en Quichua Cañar 1996

⁹ Angelcunata jatun mandac Miguel angelpish, diablohuan Moisespac huañushca cuerpota quichunacushpa p'iñanacushpapish, diablotaca mana millaita rimarcachu. Chaipac randica “Taita Diosllatac llaquichichun” nircami.

SAN JUDAS 1:9 ပူးပေါင်းရင်းမြစ်များ

1 CRÓNICAS 12:17

David paicunahuan tupangapac llucshishpaca: —Cushi causai tiyachun, shinallatac ñucata ayudangapac shamushca cacpica, tucui shunguhuanmi ñucahuan tandarichun chasquisha. Ashtahuanpish ñuca maquihuan ima mana allita mana ruhuashca cacpipish, ñucata piñaccunaman cungapac shamucpica, ñucanchic ñaupa taitacunapac Diosllatac ricushpa, cancunata llaquichichun— nirca.

ÉXODO 22:28

Cancunapac llactapi mandaccunatapish, jueztapish ama llaquichinguichu.

DANIEL 10:13

Ashtahuanpish Persia llactata jatun mandacmi ishcai chunga shuc punzhata jarcarca. Chaimantami angelcunata mandac ángel Miguel ayudangapac shamurca. Chashna ayudacpimi, Persia llactata mandaccunahuan saquirircani.

DANIEL 10:21

Ashtahuanpish ñucaca cashcata nic libropi imata nicushcatami huillagrini. Ñuca paicunahuan macanacucucpica pi mana ayudac shamunchu. Ashtahuanpish cancunata mandac Miguel-llami ayudac shamun” nirca.

DANIEL 12:1

Chai punzhacunaca cambac llactapi causaccunata ayudangapacca mandac Miguelmi shamunga. Chai punzhacunapica cai jatun llactacuna callarishcamanta pacha jaicapi mana tiyashca jatun llaquicunami tiyanga. Shina cacpipish, chai punzhacunapica tucui shuticunata libropi quillcachishca cambac llactamanta caccunaca quishpiringami.

ZACARÍAS 3:2

Mandac Diosca: «Satanaslla, cantaca Mandac Dios ñucami rimani. Jerusalenta acllac Mandac Dios ñucallatacmi rimashpa llaquichini. ¿Manachu cai runaca mana tucui rupashca yanta shina?» nirca.

MARCOS 15:29

Chaita pasaccunaca umata cuyuchishpa, camishpaca: —¡Jai, canca “Diosta mañana huasita urmachishpaca, quimsa punzhapi cutin shayachishallami” nircanguica!

DEUTERONOMIO 34:6

Shinami Moisestaca Bet-peor chimba ladopi cac Moab llacta pambapi enterrarca. Pai enterrashca jutcutaca cunancaman pi mana yachanchu.

1 TESALONICENSES 4:16

Mandac Dios caparishcapish, angelcunata mandac ángel caparishcapish, shinallatac Diospac trompeta tocashcapish uyaringami. Chashna uyaricpica, Apunchic Jesusllatacmi jahua pachamanta shamunga. Chashna tucucpica, maijanpish Apunchic Jesusta crishpa huañuccunaracmi causaringa.

1 PEDRO 3:9

Shuccuna mana allita ruhuacpipish, ama cancunapish chai shinallatac ruhuaichicchu. Camishpa rimacpipish, ama cancunapish camishpa rimaichicchu. Chaipac randica Dios allicunata cuchun nishpa munaichic. Diosca allicunata chasquichunmi, cancunataca cayarca.

2 PEDRO 2:11

Ashtahuanpish angelcunaca paicunata atishpa mandaccuna cashpapish, poderta chariccuna cashpapish, Diospac ñaupapica jahua pachamanta mandaccunataca mana juchanchishpa rimancunachu.

APOCALIPSIS 12:7

Chai quipaca shuc macanacuimi jahua pachapi tiyarca. Chaipica mandac ángel Miguelmi paipac angelcunata tandachishpa dragonhuan macanacurca. Shinallatac dragonpish paipac angelcunata tandachishpami macanacurca.