SAN JUDAS 1:16 - Dios Rimashcata Quillcashcami

¹⁶ Chaicunaca huashalla rimaccuna, ima charishcacunahuanpish mana cushilla caccuna, shinallatac quiquinman imapish alli cachunllami munancuna. Paicunaca jatun tucushpami, imatapish japingaraiculla pitapish “canca allimi cangui” nic tucuncuna.

Nuevo Testamento en Quichua Cañar 1996

¹⁶ Chai shina caccunaca huashalla parlarishpa rimaccunami, ima charishcacunahuanpish mana cushilla caccunami, shinallatac quiquinman imapish alli cachunllami munancuna. Paicuna jatun tucushpami, imatapish japingaraiculla pitapish “canca allimi cangui” nic tucuncuna.

SAN JUDAS 1:16 ပူးပေါင်းရင်းမြစ်များ

JOB 32:21

Ñucaca pitapish mana ñahuita ricushpalla rimashachu. Shinallatac pitapish mana allimi cangui nishachu.

JOB 34:19

Paica jatun mandaccunatapish mana ñahuita ricushpalla allita ruhuan. Paica paipac maquihuan ruhuashca cacpimi, huacchacunamanpish, chariccunamanpish chashnallatac ruhuan.

SALMOS 106:25

Chaipac randica paicunapac carpa huasipimi huashalla rimashpa, Mandac Dios rimashcata mana uyarcacuna.

SALMOS 15:4

Shinallatac mana allita ruhuaccunata piñaccuna, Mandac Diosta cazuccunata alli niccuna, quipata llaquihuan cangapacpish, ari nishcata pactachiccuna,

SALMOS 17:10

Chaicunaca huira tapashca shungucunami. Jatun tucushpami imatapish rimancuna.

SALMOS 73:8

Pitapish yangalla nishpami yallita millaita rimancuna. Jatun tucushpami llaquichingapac yuyarincuna.

PROVERBIOS 28:21

Ñahuita ricushpalla chicanyachinaca mana allichu. Maijancunaca ashalla micunallamantami juchallincuna.

ISAÍAS 29:24

Panda yuyaita chariccunaca alli yuyaita japingami. Juchanchiccunapish yachacungacunami» nirca.

LEVÍTICO 19:15

Cashcata ruhuashpa allichingui. Huaccha cashcallamantapish ama paiman tucunguichu. Chayuc cashcamantapish ama paiman tucunguichu, ashtahuanpish cashcata ruhuashpa allichingui.

NÚMEROS 14:36

Moisés llactata ricumuchun cachashca runacuna cutishpa, chai llactata mana valichishpa, israelcunaman huillashpa, paita rimachishcamantami

NÚMEROS 16:11

Canpish, canta caticcunapish mana Aarontachu llaquichishcanguichic, ashtahuanpish Mandac Diostami llaquichishcanguichic. ¿Aaronca pitac canyari?— nirca.

NÚMEROS 16:41

Cayandi punzhaca tucui israelcuna Moisestapish, Aarontapish rimashpaca: «Cancunaca Mandac Dios acllashca gentecunatami huañuchircanguichic» nishpa rimarirca.

SAN LUCAS 15:2

Chaita ricushpami fariseocunapish, mandashcacunata yachachiccunapish rimarishpaca: —Cai runaca juchayuccunahuan tandarishpa micunllami— ninacurca.

SAN LUCAS 19:7

Chaita gentecuna ricushpa piñarishpaca: —Caica, juchasapa runapac huasimanmi yaicun— nishpami, rimarca.

SAN LUCAS 5:30

Fariseocunapish, mandashcacunata yachachiccunapish chaita ricushpa, Jesuspac yachacuccunataca: —¿Ima nishpatac impuestota japiccunahuanpish, caishuc juchayuccunahuanpish micucunguichic, ubiacunguichic?— nircacuna.

SAN JUAN 6:41

Jesús: «Ñucami jahua pachamanta shamushca tandaca cani» nishcamantami, israelcunaca Jesusta piñai callarircacuna.

SAN JUAN 6:61

Chashna nishcamanta, huashalla parlanacucucta Jesús yachashpaca: —¿Cai nishcaca llaquichinchu?

1 CORINTIOS 10:10

Paicunapuramanta maijancuna shina, ama Diosta rimashpa piñachichicchu. Chashna piñachishcamantami, chai huañuchic ángel shamushpa huañuchirca.

GÁLATAS 5:16

Chaimantami cancunataca: “Diospac Espíritu munashca shina causaichic, millai munaicunataca ama ruhuaichicchu” nini.

GÁLATAS 5:24

Maijanpish Cristohuan caccunaca cai pacha jucha munaicunandi, imapish mana alli yuyaicunandimi chacatashca shina causacun.

DEUTERONOMIO 1:27

Chashnami cancunapac carpa huasi ucupica: “Mandac Diosca ñucanchictaca mana ricunayachishpami, Egipto llactamanta llucchimushpaca, amorreocunapac maquipi churashpa tucuchigrin.

FILIPENSES 2:14

Ama huashalla rimanacushpa, ama piñanacushpa imatapish ruhuaichicchu.

1 TESALONICENSES 4:5

Diosta mana cazuccuna shina mapa yuyaicunallahuan ama causachunmi munan.

1 TIMOTEO 6:5

Cashcata nishcata saquishpa millai yuyaiyuccunahuan mana alli tucushpa piñanacuna yuyaillami can. Paicunaca chayucyana yuyaillahuanmi Diosta cric tucuncuna.

2 TIMOTEO 4:3

Cashcata nic huillashcata mana uyashun nina punzhacuna chayamungami. Gentecunaca paicuna munashca shinata yachachichunmi, shuctac shuctac yachachiccunata mashcanga.

1 PEDRO 1:14

Alli cazuc huahuacuna shina, Diosta manarac ricsic cashpa, jucha munashca shina causanataca ama munaichicchu.

1 PEDRO 2:11

Cuyashca criccuna, cancunaca caru llactamanta shamushpa, causac shinallami cai pachapica canguichic. Shina cashcamanta cancunapac almahuan macanacucuc jucha munaicunamantaca huacaichiringuichic ninimi.

1 PEDRO 4:2

Cai pachapi causashcacaman jucha munaicunata mana ruhuashpa, ashtahuanpish Dios munashca shina causangapacmi, chai shinaca saquin.

2 PEDRO 2:10

Tucuimanta yallica Mandac Diosca, pai Mandac cachun mana chasquiccunata, mana alli munaihuan catic imapish mapata ruhuaccunatami llaquichinga. Paicunaca mana cazuccuna, imapipish cariyaccuna, shinallatac poderta charic jahua pachamanta mandaccunatapish mana manchashpa camiccuna can.

2 PEDRO 2:18

Paicunaca yanga mapa rimaicunallatac caparishpa rimashpami, quiquin munashca mapacunata ruhuashpa, mana alli causaccunapuramanta cunanlla anchurishcacunataca cutin pandachincuna.

2 PEDRO 3:3

Tucuimanta yallica tucuri punzhacunapica quiquin munashca mapacunata ruhuaccuna tiyana cashcata yuyarichic. Paicunaca cancunata burlashpami:

SAN JUDAS 1:15

Chashna shamushpaca, tucui mana allita ruhuaccunata taripashpa, paicuna mana allita ruhuashcamanta, shinallatac paicuna Diosta piñachishpa, millaillata rimashcamanta taripashpa llaquichingapacmi shamurca» nishcami.

SAN JUDAS 1:18

Paicunaca: «Tucuri punzhacunapica, paicuna munashca shina mana alli munaillahuan causashpa, burlaric gentecunami tiyanga» nircacunami.