SAN JUAN 8:34 - Dios Rimashcata Quillcashcami

³⁴ Shina nicpimi Jesusca: —Maijanpish juchata ruhuacca juchapi huatashca shinami. Chaica chashnatacmi can.

Nuevo Testamento en Quichua Cañar 1996

³⁴ Shina nicpimi Jesusca cashna nirca: —Maijanpish juchata ruhuaccunaca juchapi huatashca shinami cancuna. Chaica chashnatacmi can.

SAN JUAN 8:34 ပူးပေါင်းရင်းမြစ်များ

1 REYES 21:25

Acab shinaca Mandac Diospac ñaupapi millaita ruhuacca pipish mana tiyarcachu. Paitaca paipac huarmimi millaita ruhuachicurca.

PROVERBIOS 5:22

Diosta mana manchactaca pai mana allita ruhuashcacunallatacmi llaquichinga. Pai ruhuashca juchallatacmi tuclla shina japishpa urmachinga.

SAN MATEO 5:18

Cai pacha, jahua pacha tucuringacaman, mandashcacunamantaca shuc rimaillapish, shuc puntollapish mana chingaringachu, tucui pactacungallami. Chaica chashnatacmi canga.

SAN JUAN 3:3

Shina nicpimi Jesusca: —Maijanpish mana cutin huacharicca, Dios mandacuctaca mana ricungachu. Chaica chashnatacmi canga— nirca.

HECHOS 8:23

Cambac shungupica hiel shina jayacmi jundashca. Chaimantami juchapi huatashca shina cangui— nirca.

ROMANOS 6:12

Chaimanta cancunapac huañunalla cuerpopi juchata ruhuana munai tiyachunpish, jucha mandashpa millaita ruhuachichunpish ama saquinguichicchu.

ROMANOS 6:16

Maijanpish amota cazungapac yaicushpaca, servicmi tucun. Chaitaca cancunallatac yachanguichicmi. Chai shinallatacmi jucha mandashca causacushpaca, huañuiman apac juchata servicunguichic. Ashtahuanpish Diosta cazushpaca, pai chasquishcami canguichic.

ROMANOS 6:6

Ñaupa causacushca Cristohuan pacta chacatarishca cashcataca yachanchicmi. Chaica, juchata ruhuana munai ama atichunmi, chai juchacunataca chingachishpa, Cristohuan chacatarishca shina canchic.

ROMANOS 7:14

Mandashcacunaca Diosmanta cashcatami yachanchic. Shina cashpapish, ñucaca aichayuc runallami cani. Chaimantami juchapi huatashca shina cani.

ROMANOS 7:25

Diosllami Apunchic Jesucristomanta chai huañuimanta cacharichinga. Chaimantami paitaca pagui nini. Ñuca yuyaihuanca Dios mandashcacunatami pactachinata munani. Cutin ñuca cuerpopi tiyac munaihuanca, jucha mandashcatami ruhuacuni.

ROMANOS 8:21

Chaimantami Diosca tucui pai ruhuashcacunata huatashca shinamanta cacharichinga. Chashnami paipac huahuacunata ruhuashpa, alli ninga.

EFESIOS 2:2

Cai pacha mana alli causaita catishpami, huairapi puric mandac millai espíritu munashcata ruhuashpa causacurcanguichic. Chai espiritumi Diosta mana cazuccunataca mana allita ruhuachishpa mandacun.

TITO 3:3

Ñaupaca ñucanchicpish Diosta mana cazuc, yuyai illac, juchapi chingarishca, ñucanchic munaillata ruhuashpa cushicuna yuyaillapi huatashca shinami causacurcanchic. Chashna cashpami shuccuna ama charichun munashpa, caishuc chaishuc-huan piñanacushpa causacurcanchic.

2 PEDRO 2:19

Paicunallatac mana alli causaipi huatashca shina cashpapish, shuccunata huatashca shina causaimanta cacharichishun nincunami. Maijanpish paita aticpica, chai aticpami huatashca shina tucun.