SAN JUAN 6:26 - Dios Rimashcata Quillcashcami

²⁶ Shina tapucpimi Jesusca: —Cancunaca mana milagrocunata ruhuashcamantachu mashcacunguichic, ashtahuanpish mana nicta micushcallamantami mashcacunguichic. Chaica chashnatacmi can.

Nuevo Testamento en Quichua Cañar 1996

²⁶ Shina tapucpi, Jesusca cashnami nirca: —Cancunaca pi mana ruhuaipaccunata ruhuashcamantaca mana mashcacunguichicchu, ashtahuanpish mana nicta micushcallamantami mashcacunguichic. Chaica chashnatacmi can.

SAN JUAN 6:26 ပူးပေါင်းရင်းမြစ်များ

SALMOS 78:37

Paicunapac shunguca Dios-huanca mana allichu carca. Paicuna ari nishcatapish mana pactachircachu.

EZEQUIEL 33:31

Paicunapish ñuca acllashca gentecuna shinami, can rimashcata uyangapac cambac ñaupaman shamun. Shina cashpapish mana pactachincunachu. Chai gentecunaca shimillahuanmi alli nincuna, ashtahuanpish shungupica chayucyana manaihuanmi purin.

SAN JUAN 3:3

Shina nicpimi Jesusca: —Maijanpish mana cutin huacharicca, Dios mandacuctaca mana ricungachu. Chaica chashnatacmi canga— nirca.

SAN JUAN 3:5

Shina nicpimi Jesusca: —Maijanpish yacumanta, Diospac Espiritumanta mana huacharicca, Dios mandacucmanca manatac yaicungachu. Chaica chashnatacmi canga.

SAN JUAN 6:14

Jesús chai milagrota ruhuacta gentecuna ricushpaca: «Cai runaca cai pachaman shamuna cashca Dios ima nishcata huillacmi» nirca.

SAN JUAN 6:15

Jesusca gentecuna jatun mandac cachun pushagricushcata yachashpami, cutinllatac urcupi pailla cangapac rirca.

SAN JUAN 6:2

Ungushcacunata alliyachishcata ricushpami, achca gentecuna paita catishpa rircacuna.

SAN JUAN 6:24

Gentecunaca Jesuspish, paipac yachacuccunapish mana chaipi cacta ricushpami, canoacunapi huichicushpa, Capernaúm pueblopi Jesusta mashcangapac rircacuna.

SAN JUAN 6:30

Shina nicpimi paicunaca: —Ñucanchic ricushpa canta crichunca, ¿ima milagrotatac ruhuashpa ricuchinguiyari?

SAN JUAN 6:36

Ña nishca shina, ñucata ricushpapish, mana cringuichicchu.

SAN JUAN 6:47

Maijanpish ñucata cricca, huiñai causaitami charin. Chaica chashnatacmi can.

SAN JUAN 6:53

Shina nicpimi Jesusca: —Runa Tucungapac shamushca ñuca aichata cancuna mana micushpa, ñuca yahuarta mana ubiashpaca, mana causaita charinguichicchu. Chaica chashnatacmi can.

SAN JUAN 6:64

Shina cacpipish, cancunapuramanta maijancunaca mana cringuichicchu— nirca. Jesusca utcamanmi maijanlla paita mana crigricushcatapish, maijan japichigricushcatapish yacharca. Chaimantami chashna nirca.

ROMANOS 16:18

Chai shina yachachic runacunaca paicunapac munaillata ruhuashpami, Apunchic Jesustaca mana servincuna. Paicunaca mishquilla, uyanalla rimaicunata rimashpami, manarac alli yachac gentecunata pandachincuna.

FILIPENSES 2:21

Caishuccunaca paicunapac alli canallatami mashcancuna. Cristo Jesusmanta allita ruhuanataca mana munancunachu.

FILIPENSES 3:19

Chashna causaccunaca llaquipimi chingaringacuna. Diosta cuyanapac randica huicsatami yallita cuyancuna. Paicunapac sumac cashcaca pingaimi can. Shinallatac cai pacha causaipacllami ashtahuan munancuna.

1 TIMOTEO 6:5

Cashcata nishcata saquishpa millai yuyaiyuccunahuan mana alli tucushpa piñanacuna yuyaillami can. Paicunaca chayucyana yuyaillahuanmi Diosta cric tucuncuna.