SAN JUAN 21:7 - Dios Rimashcata Quillcashcami

⁷ Chashna tucucpimi, Jesuspac mai cuyashca yachacucca Pedrotaca: —Paica Apunchic Jesusmi— nirca. Pedroca “Apunchic Jesusmi” nicta uyashcahuanmi, churanata churarishpa yacuman shitarirca. Challuata japicushcamantami Pedroca lluchulla carca.

Nuevo Testamento en Quichua Cañar 1996

⁷ Chashna tucucpimi, Jesuspac mai c'uyashca yachacucca Pedrotaca: —Paica Apunchic Jesusmi— nirca. Pedroca “Apunchic Jesusmi” nicta uyashcahuanmi, churanata churarishpa yacuman shitarirca. Pescadota japicushcamantami Pedroca lluchulla carca.

SAN JUAN 21:7 ပူးပေါင်းရင်းမြစ်များ

SALMOS 118:23

Chaitaca Mandac Diosmi ruhuashca. Chaica ñucanchicmanca sumaimanami ricurin.

CANTARES 8:7

Chaitaca achca yacucunapish maita mana huañuchi pudinchu. Shinallatac jatun yacucunapish maita mana tucuchi pudinchu. Cuyaitaca tucui imalla charishcacunahuan randisha nishpapish mana pudinchu.

MARCOS 11:3

Cancuna cacharicucpi maijan: “¿imapactac cacharicunguichic?” nicpica: “Apunchic Jesusmi apachun cachan, ñallami saquic shamushun” ninguichic— nirca.

SAN LUCAS 12:35

Cancunaca churanatapish ña churarishca, mechata japichishpa shuyacuc shina chaparacuichic.

SAN LUCAS 2:11

Cunanmi David huacharishca Belén pueblopi Quishpichic huacharishca. Paica tucuita Mandac, Quishpichic Cristomi.

SAN LUCAS 7:47

Chaimantami cashna nini: Paipac achca juchacunata perdonashca cashcamantami, paica ashtahuan cuyan. Ashtahuanpish ashalla juchacunata perdonashcacunaca, ashallatami cuyan— nirca.

SAN JUAN 13:23

Jesuspac shuc cuyashca yachacucmi paihuan quimirishpa tiyacurca.

SAN JUAN 19:26

Jesús paipac mamata, paipac cuyashca yachacucta ricushpa, paipac mamataca: —Mama, caipimi cambac huahuaca— nirca.

SAN JUAN 20:2

Chaimantami Simón Pedropacman, shinallatac Jesús cuyashca caishuc yachacucpacman huillangapac callparca. Paicunapacman chayashpaca: —Apunchic Jesuspac cuerpotaca, maimanchari apashcami. Maipi churashcata mana yachanichu— nirca.

SAN JUAN 20:20

Chashna nishca quipami, paipac maquicunatapish, costillas quingraitapish ricuchirca. Chashna ricuchicpica, Apunchic Jesusta ricushpami cushicurcacuna.

SAN JUAN 20:28

Chashna nicpimi Tomasca: —¡Ñucata Mandac Apunchic Jesuslla, ñuca Dioslla!— nirca.

SAN JUAN 21:20

Pedro huashata tigrarishpa ricushpami, Jesuspac cuyashca yachacuc caticushcata ricurca. Chai yachacucllatacmi Jesús Pascuata yuyarishpa micucucpica, paipac ladopi quimirishpa tiyacushca carca. Shinallatac paillatatacmi: “Apunchic Jesús, ¿pitac chai canta japichicca?” nishpa tapushca carca.

SAN JUAN 21:24

Chai yachacucllatacmi caicunamanta huillacpish, caicunata quillcacpish can. Shinallatac pai huillashcaca mana llulla cashcatapish yachanchicmi.

SAN JUAN 21:8

Caishuc yachacuccunaca challua junda linchitaca aisashpallami, canoahuanca yacu pataman cuchuyamurca. Paicunaca yacu patamanta patsac metro shinallapimi carca.

HECHOS 10:36

Diosca Jesucristotami israelcunaman paihuan alli tucushpa, sumacta causachun, alli huillaita huillachirca. Paica tucuita mandac Jesucristomi.

HECHOS 2:36

Chaimanta tucui israelcuna, caitaca alli yachaichic. Chai cancuna cruzpi chacatashca Jesusllatatacmi Diosca, Mandac cachunpish, Quishpichic Cristo cachunpish churashca» nirca.

1 CORINTIOS 15:47

Punta ruhuashca Adanca allpamantami carca. Quipa Adanmi, jahua pachamanta shamushca carca.

2 CORINTIOS 5:14

Cristo tucuimanta huañushcata yachashcamanta pachami, paipac cuyaica ñucanchicman yuyaita cun. Cristo huañushcamantami tucui mashna huañushca shina canchic.

SANTIAGO 2:1

Ñuca cuyashca criccuna, cancunaca ñucanchic sumaimana Apunchic Jesucristota criccuna cashcamantaca, shucllata allipi llucchishpa mana chicanta ruhuanachu canguichic.