SAN JUAN 2:2 - Dios Rimashcata Quillcashcami

² Chai bodamanmi Jesustapish, paipac yachacuccunatapish cayarca.

Nuevo Testamento en Quichua Cañar 1996

² Chai bodamanmi Jesuspish, paipac yachacuccunapish c'ayashca carca.

SAN JUAN 2:2 ပူးပေါင်းရင်းမြစ်များ

SAN MATEO 12:19

Paica pihuanpish mana rimarinacungachu, ñancunapipish pai caparishcaca mana uyaringachu.

SAN MATEO 25:40

Shina nicpimi ñucaca: “Cai uchilla ñuca huauquicunaman ruhuashpaca, ñucamanmi ruhuarcanguichic. Chaica chashnatacmi” nishami.

SAN MATEO 25:45

Shina nicpimi ñucaca: “Cai uchillacunaman mana ruhuashpaca, ñucamanmi mana ruhuarcanguichic. Chaica chashnatacmi” nishami.

SAN JUAN 2:12

Chai quipami, Jesusca paipac mamahuan, huauquicunahuan, yachacuccunahuan Capernaúm puebloman rirca. Chaipica, tauca punzhatami carca.

SAN JUAN 2:17

Chaimantami Jesuspac yachacuccunaca: “Diosta mañana huasitaca yallitami cuyani” nishpa, Dios quillcachishcapi David nishcata yuyarirca.

SAN JUAN 2:22

Chaimantami paipac yachacuccunaca Jesús causaricpica, pai chashna nishcata yuyarishpa Dios quillcachishcatapish, Jesús ima nishcatapish crircacuna.

SAN JUAN 2:3

Chai bodapi vino tucuricpimi, Jesuspac mamaca: —Vino tucurishcami— nirca.

SAN JUAN 3:22

Chai quipami, Jesusca paipac yachacuccunahuan Judea llactaman rirca. Tauca punzhacunata paicunahuan cashpami, gentecunata bautizarca.

SAN JUAN 4:2

(Jesusca mana bautizacchu carca, ashtahuanpish paipac yachacuccunami bautizac carca).

SAN JUAN 4:33

Shina nicpimi yachacuccunaca: —¿Pishi micunata carashca canga?— ninacurca.

SAN JUAN 4:8

Chai horasca paipac yachacuccunaca micunata randingapacmi puebloman rishca carca.

SAN JUAN 6:12

Gentecuna mana nicta micushca quipami, Jesusca paipac yachacuccunataca: —Ama yangamanta cachun, tucui puchushcacunata tandachichic— nirca.

SAN JUAN 6:16

Ña tutayamucucpica, cutinllatacmi Jesuspac yachacuccunaca cuchaman shamurca.

SAN JUAN 6:60

Jesús chashna yachachishcata tauca paita caticcuna uyashpaca: —Cai yachachishcacunaca sinchimi. ¿Pitac caitaca entendingayari?— ninacurca.

SAN JUAN 6:66

Chaimanta pachami Jesusta caticcunaca caruyashpa, mana Jesus-huan purirca.

SAN JUAN 6:67

Chaimantami Jesusca chunga ishcai yachacuccunataca: —¿Cancunapish shitashpa rishun ninguichicchu?— nirca.

SAN JUAN 6:70

Shina nicpimi Jesusca: —¿Manachu cancunataca chunga ishcaita acllarcani? Shina cacpipish, cancunapuramanta shucca diablohuanmi— nirca.

SAN JUAN 6:71

Chashna nishpaca, Simón Iscariotepac churi Judasmantami Jesusca nicurca. Paica chunga ishcai yachacuccunapuramantami carca. Paimi quipata Jesusta japichirca.

SAN JUAN 6:8

Simón Pedropac huauqui caishuc yachacuc Andresca:

SAN JUAN 7:3

Jesuspac huauquicunaca Jesustaca: —Ama caipi caichu, canta caticcuna can imalla ruhuashcata ricuchun, Judea llactaman ri.

HECHOS 11:26

Chaipica huata jundatami achca gentecunaman yachachishpa, criccunahuan tandanacushpa causarca. Chai pueblopimi Apunchic Jesusta caticcunataca: “Criccuna” nishpa, cayai callarirca.

HECHOS 11:29

Chashna huillacpimi, Antioquía pueblo criccunaca paicuna imallata cui pudishcata Judea llacta criccunaman cuchun cachanata yuyarirca.

1 CORINTIOS 10:31

Chaimanta imata micushpapish, imata ubiashpapish, imata ruhuashpapish, Dios alli nishca cachun ruhuaichic.

1 CORINTIOS 7:39

Cusayuc huarmica cusa causacucpica, mandashcapi nishca shinaca maita mana chicanyaipacmi, ashtahuanpish cusa huañucpica, Apunchic Jesusta cric-huanca pihuanpish cazaranallami.

COLOSENSES 3:17

Imata ruhuashpapish, imata parlashpapish, Apunchic Jesuspac shutipimi ruhuana canguichic. Paimantami Diostaca pagui nina canguichic.

HEBREOS 13:4

Tucuimi cazado causaica, valishca cashcata yuyana can. Ama huainayaichicchu. Huainayaccunatapish, huaclliccunatapish Diosca taripashpa llaquichingami.

APOCALIPSIS 3:20

Ñucaca huasiyuc nishpami pungupi huactashpa shayacuni. Maijanpish ñuca rimashcata uyashpa punguta pascacpica, paipacman yaicushpa paihuan micushami, paipish ñucahuan micungami.