SAN JUAN 18:12 - Dios Rimashcata Quillcashcami

¹² Shinami soldadocunapish, soldadocunata mandacpish, Diosta mañana huasita cuidaccunapish Jesusta japishpa huatashpa,

Nuevo Testamento en Quichua Cañar 1996

¹² Jesustaca soldadocunapish, soldadocunata mandacpish, shinallatac Diosman mañana huasita cuidaccunapish japishpami huatarcacuna.

SAN JUAN 18:12 ပူးပေါင်းရင်းမြစ်များ

GÉNESIS 22:9

Abrahamca maipimi Dios ricuchishcaman chayashpaca, shuc altarta ruhuashpami, chai jahuapi yantata churashpa, paipac churi Isaacta chacnashpa yanta jahuapi churarca.

GÉNESIS 40:3

Shina piñarishpami soldadocunata mandacpac huasipi prezu churarca. Chaillapitacmi Josepish prezu carca.

SALMOS 118:27

Mandac Diosca, Diosmi. Paimi ñucanchicta achicyachirca. Paiman cuna animalta altar gachucunapi huataichic.

SAN MATEO 26:57

Jesusta japishpaca, curacunata mandac Caifaspac huasimanmi aparca. Chaipimi mandashcacunata yachachiccunapish, pushac yuyaccunapish tandanacushca carca.

SAN MATEO 27:2

Shina yuyarishpami, Jesusta huatashpa, chai llactata mandachun mandac Pilatopacman aparca.

SAN MATEO 27:27

Shina cucpimi, soldadocunaca Jesusta Pilato mandashpa tiyana jatun ucuman apashpa, caishuc soldadocunata Jesuspac muyundipi tandachirca.

MARCOS 14:53

Jesustaca curacunata jatun mandac curapacmanmi aparcacuna. Chaipimi curacunata mandac curacunapish, pushac yuyaccunapish, mandashcacunata yachachiccunapish tandanacushca tiyacurca.

MARCOS 15:1

Tutamanta ña pacarimucucpimi, Israel curacunata mandac curacunaca pushac yuyaccunahuanpish, mandashcacunata yachachiccunahuanpish, caishuc mandaccunahuanpish parlangapac tandanacurca. Chai quipami, mandac Pilatopac ñaupaman Jesustaca huatashpa aparcacuna.

SAN LUCAS 22:54

Jesusta japishpaca, curacunata jatun mandac curapac huasimanmi aparirca. Pedroca caru carullatami caticurca.

SAN JUAN 18:3

Chaimanmi Judasca achca soldadocunahuan, curacunata mandac curacunahuan, fariseocuna cachashca Diosta mañana huasita cuidaccunahuan chayarca. Paicunaca macanacunahuan, lamparacunahuan, linternacunahuanmi chayarca.

HECHOS 10:1

Cesarea pueblopica, Cornelio shuti runami causarca. Paica Italia llactamanta patsac soldadocunata mandacmi carca.

HECHOS 21:31

Pablota huañuchigricucpimi, Roma llactamanta huaranga soldadocunata mandacpacman maijancuna rishpaca: “¡Tucui Jerusalén pueblopi causaccunami piñarishpa caparicun!” nishpa huillarca.

HECHOS 21:37

Cuartelman ña yaicuchigricucpimi, Pabloca soldadocunata mandactaca: —¿Manachu imata ni pudini?— nirca. Shina nicpimi, chai mandacca: —Canca, ¿griego rimaita yachanguichu?

HECHOS 23:10

Tucui gentecuna yallita bullai callaricpimi, huaranga soldadocunata mandacca Pablota llaquichinata manchashpa, soldadocunata cayac cacharca. Paicunami Pablotaca cuartelman aparca.

JUECES 16:21

Filisteocuna paita japishpaca ñahuita surcushpami Gaza puebloman aparca. Chaipimi bronce cadenacunahuan huatashpa carcelpi tiyac molinopi cutachun churarca.