SAN JUAN 12:42 - Dios Rimashcata Quillcashcami

⁴² Chashna cacpipish, mandac israelcunacamanmi taucacuna crirca. Ashtahuanpish tandanacuna huasimanta fariseocuna llucchishpa cachanata manchashpami, mana piman huillarca.

Nuevo Testamento en Quichua Cañar 1996

⁴² Chashna pi mana crinchu nicpipish, mandac israelcunacamanmi taucacuna crirca. Ashtahuanpish tandanacuna huasimanta fariseocuna*f** llucchishpa cachanata manchashpami, paicunaca mana piman huillarcacuna.

SAN JUAN 12:42 ပူးပေါင်းရင်းမြစ်များ

PROVERBIOS 29:25

Manchashpa causac runaca tucllapimi urmanga. Ashtahuanpish Mandac Diospi shunguta churacca quishpiringami.

ISAÍAS 51:7

Cashcata ruhuanata yachaccunapish, ñuca mandashcata shungupi chariccunapish uyaichicyari. Shuccuna pingaichinata ama manchaichicchu. Paicuna mana alli nishpa rimacpipish, ama irquiyaichicchu.

ISAÍAS 57:11

¿Pita manchashcamanta ñucata crinata saquircangui? ¿Pi manchachicpitac ñucata crinata saquishpa, mana yuyarircangui? ¿Ñuca imata mana nishpa, upalla saquishcamantachu ñucataca jaicapi mana mancharcangui?

ISAÍAS 66:5

Mandac Diosta manchaccuna pai rimashcata uyaichicyari. Paica: «Ñuca shutita mañashcamanta millanayachishpa, llucchishpa cachashca cancunapac huauquicunaca: “¡Cancunapac cushicuita ricungapac, Mandac Diosca sumaimanami nishca cachun!” nincunami. Ashtahuanpish paicunaca pingaichishcami canga.

JEREMÍAS 38:19

Shina nicpimi, jatun mandac Sedequiasca Jeremiastaca: —Caldeocuna parte tucushca Judá llacta runacunatami manchani. Paicunapac maquipi churacpica, ñucataca burlashpa llaquichingami— nirca.

SAN MATEO 10:32

Maijanpish gentecunaman ñucata caticushcata huillacpica, ñucapish jahua pacha ñuca Taitaman ‘caticmi’ nishpa huillashami.

SAN LUCAS 12:8

Ñucaca: Maijanpish gentecunapac ñaupapi “ricsinimi” nictaca, Runa Tucungapac shamushca ñucapish Diospac angelcunapac ñaupapi “ricsinimi” nishami.

SAN LUCAS 23:13

Pilato curacunata mandac curacunatapish, mandaccunatapish, tucui gentecunatapish tandachishpaca:

SAN LUCAS 6:22

Runa Tucungapac shamushca ñucamanta gentecuna piñacpipish, llucchishpa cachacpipish, camicpipish, ima millaita rimacpipish, ¡cushicuichic!

SAN JUAN 11:45

Mariata compañac tauca israelcuna Jesús imata ruhuashcata ricushpaca, paita crircacunami.

SAN JUAN 12:11

Chaica, Lázaro causarishcamantami achca israelcuna paicunamanta caruyashpa, Jesusta crircacuna.

SAN JUAN 16:2

Tandanacuna huasicunamanta llucchishpa cachangami. Shinallatac cancunata huañuchishpa, Diosmanmi alli ruhuanchic nina punzhami chayamunga.

SAN JUAN 19:38

Chai quipami, Arimatea pueblomanta José Pilatopacman rishpa, Jesuspac cuerpota enterrangapac mañagrirca. Chai Joseca mandac israelcunata manchashcamantami, pacalla Jesusta caticurca. Pilato apachun nicpimi, Jesuspac cuerpota aparca.

SAN JUAN 3:2

Pai Jesuspacman tuta rishpaca: —Yachachic, canca Dios cachashca yachanchicmi. Pipish can ruhuacuc shina, milagrocunataca mana Dios-huan cashpaca, mana ruhuanmanchu— nirca.

SAN JUAN 7:13

Shina ninacushpapish, mandac israelcunata manchashcamantami, pipish Jesusmanta imata mana nishpa, picunapuralla parlanacurca.

SAN JUAN 7:31

Ashtahuanpish achca gentecuna paita crishpaca: —Cristo shamushpaca, ¿cai runa ruhuashcamanta yallichu milagrocunata ruhuanga?— nircacuna.

SAN JUAN 9:22

Fariseocuna: “Maijanpish ‘Jesusca Cristomi’ nishpa huillacpica, israelcunapac tandanacuimanta llucchishpa cachashcami canga” nishpami, ñaupaman yuyarinacushca carca. Chaimantami mandac israelcunata manchashpa, taita mamaca chashna nirca.

SAN JUAN 9:34

Shina nicpimi paicunaca: —Canca juchasapami huacharircangui. ¿Chashna cashca jahuachu ñucanchicta yachachisha ningui?— nirca. Chashna nishpami, paitaca tandanacuna huasimanta llucchishpa cacharca.

HECHOS 5:41

Mandaccuna cacharicpi, apostolcuna llucshishpaca, Jesusta caticushcamanta Dios llaquichichun saquishcamantami yallita cushicushpa rircacuna.

ROMANOS 10:10

Chaica, Dios chasquishca cangapacca tucui shunguhuanmi crina. Quishpiringapac quiquin shimihuanmi “Jesusca ñucata Mandacmi” nina.

1 JUAN 4:15

Maijanpish Apunchic Jesucristota “Diospac Churimi” nicca Dios-huanmi shinallatac Diospish paihuanmi can.

1 JUAN 4:2

Diospac Espirituhuan cashcataca cai shinami yachana canguichic: Maijanpish “Jesucristoca runa tucungapac shamushcami” nicmi, Diospac Espiritutaca charin.