SAN JUAN 11:54 - Dios Rimashcata Quillcashcami

⁵⁴ Chaimantami Jesusca israelcunapurapica ña mana purirca, ashtahuanpish chaimanta llucshishpa, shitashca pamba cuchulla Efraín puebloman rishpa, chaipi paipac yachacuccunahuan carca.

Nuevo Testamento en Quichua Cañar 1996

⁵⁴ Chaimantami Jesusca israelcunapurapica ña mana purirca, ashtahuanpish Judea llactamanta llucshishpaca, shitashca pamba cuchullapi cac Efraín pueblopimi paipac yachacuccunahuan cangapac rirca.

SAN JUAN 11:54 ပူးပေါင်းရင်းမြစ်များ

2 SAMUEL 13:23

Ishcai huata quipami Absalonta serviccunaca Efrainpac pueblo cuchulla Baal-hazor pambapi ovejacunata rutucurca. Chaipimi Absalonca tucui jatun mandacpac churicunata cayashpa jatun micuita ruhuarca.

2 CRÓNICAS 13:19

Abiasca Jeroboamta catishpa rishpami, Bet-el, Jesana, Efraín pueblocunataca muyundi uchilla llactacunandi quichurca.

SAN JUAN 10:40

Jesusca Jordán yacu chimba ladoman cutishpami, chaipi saquirirca. Chaipimi Bautizac Juan utcaman bautizac carca.

SAN JUAN 18:20

Chashna tapucpimi Jesusca: —Ñucaca tandanacuna huasicunapipish, Diosta mañana huasipipish tucuipac ñaupapimi yachachircani. Mana pacalla yachachishcanichu.

SAN JUAN 7:1

Chai quipaca, Jesusca Galilea llactapimi puricurca. Mandac israelcuna huañuchishun nishcamantami, Judea llactapi canataca mana munarca.

SAN JUAN 7:10

Paipac huauquicuna fiestaman rishca quipaca, Jesuspish rircami. Shina rishpapish, mana pi yachacllapimi pacalla rirca.

SAN JUAN 7:13

Shina ninacushpapish, mandac israelcunata manchashcamantami, pipish Jesusmanta imata mana nishpa, picunapuralla parlanacurca.

SAN JUAN 7:4

Maijanpish gentecunaman ricsichisha nishpaca, mana pacallapi imatapish ruhuanchu. Shuctac llacta gentecunamanpish milagrota ruhuashpa ricuchiyari— nirca.