SAN JUAN 11:33 - Dios Rimashcata Quillcashcami

³³ Mariapish, paita compañac israelcunapish huacacucta Jesús ricushpa, shungupi llaquirishpaca:

Nuevo Testamento en Quichua Cañar 1996

³³ Mariapish, paita compañac israelcunapish huacacucta ricushpami, shungumanta llaquirishpa Jesusca:

SAN JUAN 11:33 ပူးပေါင်းရင်းမြစ်များ

MARCOS 3:5

Chaimantami muyundipi caccunata ricushpa piñarirca. Jesusca paicuna sinchi shungu cashcamantami yallita llaquirishpa, chai maqui chaquishca runataca: —Maquita chutai— nirca. Chai runa maquita chutacpica, maquica alli tucurcallami.

MARCOS 9:19

Shina nicpimi Jesusca: —¡Aij, mana cric gentecunalla! Cancunahuanca, ¿maicamantac yachachishpa causacushalla? ¿Maicamantac llaquita apacushalla? Huambrata caiman apamuichic— nirca.

SAN JUAN 11:19

Martapac, Mariapac turi huañushcamantaca, tauca israelcunami llaquinacungapac shamushca carcacuna.

SAN JUAN 11:31

Huasipi cushichishpa, compañashpa tiyacuc israelcuna María jatarishpa, utca ricta ricushpaca: —Enterrashcapimi huacangapac rin— nishpami, catishpa rircacuna.

SAN JUAN 11:34

—¿Maipitac enterrarcanguichic?— nishpa tapurca. Shina nicpimi paicunaca: —Apunchic Jesús, shamui, ricungui— nirca.

SAN JUAN 11:35

Jesuspish huacarcami.

SAN JUAN 11:38

Cutinllatacmi Jesusca shungupi llaquirishpa, chai enterrashca cuchuman rirca. Chai jutcuca quingraipimi jatun rumihuan jarcashca carca.

SAN JUAN 12:27

Cunanca yallita llaquillami cani. ¿Cunanca imatac nisha? ¿Taitalla, cai llaquimanta anchuchiyari nishachu? Mana chashna nishachu, llaquita apangapacmi shamurcani.

SAN JUAN 13:21

Chaita nishca quipa, Jesús shungupi yallita llaquirishpaca: —Cancunapuramanta shucmi ñucata japichigrin. Chaica chashnatacmi can— nirca.

ROMANOS 12:15

Cushilla caccunahuanca cushicuichic. Huacaccunahuanca huacaichic.

HEBREOS 4:15

Ñucanchic mana catinata pudicucpi, llaquishpa ayudac jatun mandac curatami charinchic. Paipish ñucanchic shinallatacmi llaquita aparca. Shina cashpapish jaicapi mana juchallircachu.