SAN JUAN 11:25 - Dios Rimashcata Quillcashcami

²⁵ Shina nicpimi Jesusca: —Ñucami causaita cucpish, huañushcacunata causachicpish cani. Ñucata cricca huañushpapish causaringami.

Nuevo Testamento en Quichua Cañar 1996

²⁵ Shina nicpi Jesusca: —Ñucami causaita cucpish, huañushcacunata causachicpish cani. Maijanpish ñucata cricca huañushpapish causaringami.

SAN JUAN 11:25 ပူးပေါင်းရင်းမြစ်များ

SALMOS 36:9

Canllami causaita cuc yacutaca charingui. Can achicyachicpimi achicta ricui pudinchic.

ISAÍAS 26:19

Cambac huañushcacunaca causaringami. Huañushca cuerpoca jataringami. ¡Allpapi samaricuccunalla, riccharishpa cantaichicyari! Garua tamyahuan muyu huiñac shinami, allpamanta llucshimunga. Cai pachaca huañushcacunata cutichingami.

ISAÍAS 38:16

Mandac Dioslla, chai rimashcacunahuanmi runacunaca causan. Ñuca espiritupish chaipimi causaita charin. ¡Mandac Dioslla, sinchiyachishpa, causaita cuiyari!

SAN LUCAS 23:43

Chashna nicpimi Jesusca: —Cunanllatacmi jahua pachapi ñucahuan cangui. Chaica chashnatacmi canga— nirca.

SAN JUAN 1:4

Paimantami causaica tiyarca. Chai causaimi gentecunapac Achicyachic carca.

SAN JUAN 14:19

Cai pachapi causaccunaca asha punzhacuna quipaca mana ñucata ricungachu. Shina cacpipish cancunaca ricunguichicmi. Chaica, ñucaca causacunimi, cancunapish causacunguichicmi. Chaimantami ricucunguichic.

SAN JUAN 14:6

Shina nicpimi Jesusca: —Ñucami cashcata nicpish, ñanpish, causaita cucpish cani. Maijanpish ñucallamantami Diospacman chayanga.

SAN JUAN 3:16

Diosca cai pachapi causaccunata yallita cuyashpami, paipac shuclla Churita cai pachaman cacharca. Pipish paita cricca ama chingarichun, ashtahuanpish huiñai causaita charichunmi, chashnaca cacharca.

SAN JUAN 3:36

Maijanpish paita cricca huiñai causaitami charin. Maijanpish paita mana cricca mana huiñai causaita charinchu, ashtahuanpish paitaca Diosca piñacungallami.

SAN JUAN 5:21

Ima shinami ñuca Taitaca huañushcacunata causachishpa, causaita cun, chashnallatacmi paipac Churi ñucapish maijanman causaita cusha nishpaca cuni.

SAN JUAN 5:26

Ima shinami ñuca Taitaca quiquinllatac causaita charin, chai shinallatac ñucapish causaita cuchunmi cacharca.

SAN JUAN 6:35

Shina nicpimi Jesusca: —Ñucami huiñai causaita cuc tandaca cani. Maijanpish ñucapacman shamucca manatac yarcachingachu. Maijanpish ñucata cricca manatac yacunayachingachu.

SAN JUAN 6:44

Ñucata cachac Taita mana pushamucpica, pi ñucapacman mana shamunchu. Chai shamuccunataca tucuri punzhapi causachishami.

HECHOS 3:15

Chashnami cancunaca huiñai causaita cuc Jesusta huañuchircanguichic. Ashtahuanpish paitaca Diosmi huañushcacunapuramanta causachirca. Ñucanchicca chai ricushcata huillaccunami canchic.

ROMANOS 4:17

Dios quillcachishcapica: «Tauca llactacunapac taita cachunmi churani» ninmi. Abrahamca huañushcacunatapish causachic, ima mana tiyashcacunata ruhuac Diosta crishcamantami tucuipac taita tucushca.

ROMANOS 8:2

Chaica, Jesucristohuan shuc shinalla tucucpimi, Diospac Espirituca jucha mandashpa charinamantapish, huañuimantapish cacharichirca.

1 CORINTIOS 15:18

Cristota crishpa, huañushcacunapish huiñaita chingarishcami canman.

1 CORINTIOS 15:29

Huañushcacuna mana causarina cacpica, ¿imapactac huañushcacunapac shutipi bautizarincuna? ¿imamantatac huañushcacunamanta bautizarincuna?

2 CORINTIOS 4:14

Apunchic Jesusta huañushcacunapuramanta causachic Diosllatacmi, ñucanchictapish Jesusta shinallatac causachishpa, cancunahuan pacta paipac ñaupaman ñucanchicta pushanga. Chaitaca yachanchicmi.

FILIPENSES 1:23

Huañunapish, causanapish allimi. Shina cacpipish shuc yuyaipica, Cristohuan causagringapac huañushca caiman yuyanimi. Chaimi tucuimanta yalli allica.

FILIPENSES 3:10

Cunanca tucuimanta yallica Cristota ricsishpami, pai causarishca quipa imatapish ruhuaclla cashcata ricusha nini. Shinallatac pai llaquita apashpa huañushca shinallatacmi, ñucapish llaquita apana cacpipish pai shina huañusha nini.

1 TESALONICENSES 4:14

Apunchic Jesús huañushca cashpapish causarishcata crishpaca, Apunchic Jesusta shuyashpa huañushcacunata Jesus-huan Dios-huan causachina cashcatami crinchic.

APOCALIPSIS 1:18

Ñucaca causacunimi. Huañushcami carcani, cunanca huiñaipacmi causacuni. Ñucami huañuipacpish, ucu pachapacpish llavecunata charicuni.

APOCALIPSIS 20:5

Paicunami punta causariccunaca carca. Shina cacpipish chaishuc huañushcacunaca chai huaranga huatacuna pactangacamanca mana causarircacunachu.

APOCALIPSIS 21:4

Paica tucui huiquitami ñahuicunamantaca pichanga. Huañuipish, llaquilla canapish, huacaicunapish, nanaicunapish ña mana tiyangachu. Ñaupaman ima tiyashcapish cunanca ña mana tiyangachu» nirca.

APOCALIPSIS 22:1

Chai quipaca chai angelmi causaita cuc, cristalman riccha callpacuc yacuta ricuchirca. Chai yacuca Diospacpish, Pactalla Ovejapacpish tiyarinamantami llucshicurca.

APOCALIPSIS 22:17

Diospac Espiritupish, Pactalla Ovejapac huarmipish Jesustaca «¡shamui!» ninmi. Shinallatac maijan caita uyacpish «¡shamui!» nichun. Maijanpish yacunayaihuan cashpa shamusha nicca shamushpa, causaita cuc yacuta mana imata cushpa ubiachunlla.