SAN JUAN 11:21 - Dios Rimashcata Quillcashcami

²¹ Chashna tupangapac llucshishpami Martaca: —Apunchic Jesús, can caipi cashca cacpica, ñuca turica mana huañunmanchu carca.

Nuevo Testamento en Quichua Cañar 1996

²¹ Chashna tupangapac llucshishpami Martaca: —Apunchic Jesús, can caipi cashca cacpica, ñuca turica mana huañunmanchu carca.

SAN JUAN 11:21 ပူးပေါင်းရင်းမြစ်များ

1 REYES 17:18

Chaimantami chai huarmica Eliastaca: —Diospac runa cantaca ¿Ima mana allitatac ruhuashcaniyari? ¿Ñuca juchacunata yuyachishpa, ñuca cari huahuata huañuchingapacchu ñucapacman shamurcangui?— nirca.

SALMOS 78:19

Diosta piñachishpaca: «¿Diosca cai shitashca pambapi micunata carai pudingachu?

SALMOS 78:41

Dios ima shina cashcata ricungapacmi tauca cutin mañashpa, israelcunapac jucha illac Diostaca llaquichircacuna.

SAN MATEO 9:18

Jesús chashna nicucpimi, israelcunata mandac chayashpa, cungurishpaca: —Ñuca ushimi ñacalla huañun. Shina huañushca cacpipish, can paipac umapi maquita churacpica, causaringallami— nirca.

SAN JUAN 11:2

Chai Mariami quipamanca Jesuspac chaquicunapi mishquilla ashnacucta churashpa, acchahuan chaquichirca.

SAN JUAN 11:3

Lazaropac panicuna Jesuspacman cachashpaca: —Apunchic Jesús, canhuan apanacuc Lazaromi ungushca— nichun cacharca.

SAN JUAN 11:32

María Jesuspacman chayashpa, paipac ñaupapi cungurishpaca: —Apunchic Jesús, can caipi cashca cacpica, ñuca turica mana huañunmanchu carca— nirca.

SAN JUAN 11:37

Ashtahuanpish maijancunaca: —Cai runaca ñahui mana ricuc runataca alliyachircami. Shina cashpaca, ¿ima nishpatac Lázaro ama huañuchunca imata mana ruhuarca?— nirca.