SAN JUAN 10:31 - Dios Rimashcata Quillcashcami

³¹ Shina nicpimi, israelcunaca Jesusta shitangapac rumita japircacuna.

Nuevo Testamento en Quichua Cañar 1996

³¹ Shina nicpi, israelcunaca cutinllatacmi Jesusta rumicunahuan shitashun nishpa rumita japircacuna.

SAN JUAN 10:31 ပူးပေါင်းရင်းမြစ်များ

ÉXODO 17:4

Moisés Mandac Diosta mañashpaca: —Cai gentecunahuanca, ¿imatatac ruhuashayari? Ñucataca ñallami rumihuan shitagrin— nirca.

SAN MATEO 12:14

Chaita fariseocuna ricushpa, canzhaman llucshishpaca, ima shina Jesusta huañuchinatami yuyarinacurca.

SAN MATEO 21:35

Ashtahuanpish chai serviccuna chayacpica, chai chagrahuan saquiric runacunaca shuctaca macarcami, shuctaca huañuchircami, cutin shuctaca rumihuan shitashpami catishpa cacharca.

SAN MATEO 23:35

Cashcata ruhuaccunata huañuchishcamantaca, cancunatami Diosca llaquichinga. Abelpac yahuarmanta callarishpa, Berequiaspac churi Zacariaspac yahuarcamanmi cancunataca taripashpa llaquichinga. Zacariastaca Diosta mañana huasipi tiyac altar ladopimi huañuchirca.

SAN JUAN 1:19

Juan pi cashcata yachangapacmi Jerusalén pueblomanta curacunatapish, curacunata ayudac levitacunatapish tapuchun cacharca.

SAN JUAN 10:24

Chaipi Jesuspac muyundipi israelcuna shayarishpaca: —Can Cristo cashpaca, cunanllatac alli huillai: ¿Ima horascamantac can pi cashcata mana yachashpa puricushunyari?— nirca.

SAN JUAN 10:32

Chashna cacpipish Jesusca: —Ñuca Taitapac poderhuanmi tauca allicunata ruhuarcani. ¿Maijan ruhuashcacunamantatac rumihuan shitashun ninguichic?— nirca.

SAN JUAN 11:8

Shina nicpimi yachacuccunaca: —Yachachic, sarunllami israelcunaca rumihuan shitashun nircacuna. ¿Chashna cashca jahuachu cutin chaillamantac risha ningui?— nirca.

SAN JUAN 5:18

Chaimantami mandac israelcunaca Jesusta huañuchinata munarca. Mana samana punzhapi alliyachishcallamantachu piñai callarircacuna, ashtahuanpish “ñuca Taitaca Diosmi” nishpa Dios tucushcamantami ashtahuan piñashpa, huañuchisha nicurca.

SAN JUAN 8:59

Shina nicpimi, paicunaca rumihuan shitangapac rumicunata japircacuna. Ashtahuanpish Jesusca miticushpami, Diosta mañana huasimanta llucshishpa rirca.

HECHOS 7:52

Ñaupa taitacunaca, Dios ima nishcata huillaccunata mana ricushun nishpami llaquichirca. Paicunami shamuna cashca Jucha illac, imatapish cashcata ruhuacmanta huillaccunata huañuchircacuna. Chai Jucha illac shamucpica, millai runacunaman cushpami huañuchircanguichic.

1 SAMUEL 30:6

Davidtaca tucui gentecunami paicunapac huarmicunata, churicunata, ushicunata prezu apashcamanta, paicunapac shungupi yallita piñarishpa, rumicunahuan shitashun nicurca. Davidca yallitami llaquilla carca, shina cashpapish Mandac Diospi shunguta churashpami sinchiyarca.