SAN JUAN 10:10 - Dios Rimashcata Quillcashcami

¹⁰ Shuhuacca shuhuangapac, huañuchingapac, chingachingapacmi yaicun. Ñucaca causaita cungapac, yalli causaita cungapacmi shamurcani.

Nuevo Testamento en Quichua Cañar 1996

¹⁰ Shuhuaca shuhuangapac, huañuchingapac, chingachingapacmi yaicun. Ñucaca causaita charichun, shinallatac yallita charichunmi shamurcani.

SAN JUAN 10:10 ပူးပေါင်းရင်းမြစ်များ

ISAÍAS 56:11

Paicunaca micushpapish mana sacsac allcucuna shinami can. Michiccuna cashpapish imata mana entendinchu. Quiquin munashcata ruhuashpa, quiquinpacllata mashcashpa, munashcallata ruhuancuna.

OSEAS 7:1

Israelcunata ñuca jambicpica, Efraín aillupac mana allita ruhuashcapish, Samaria llactapi causaccuna millaita ruhuashcapish ricurinmi. Paicunaca llullaccunami, huasiman yaicushpapish, ñanta pasaccunatapish macashpa shuhuashpami causan.

SAN MATEO 18:10

Cai huahuacuna shinapuramanta maijanta ama mana valichinguichicchu. Ñucaca: Paicunata jahua pacha Taitapac ñahuita ricuc angelcunami cuidacun ninimi.

SAN MATEO 18:11

Runa Tucungapac shamushca ñucaca, chingarishcacunata quishpichingapacmi shamurcani.

SAN MATEO 20:28

Chai shinallatacmi Runa Tucungapac shamushca ñucaca, mana servichingapac shamurcani, ashtahuanpish servingapac, huañushpa achcacunata quishpichingapac shamurcani— nirca.

SAN MATEO 21:13

tigrachishpaca: «Dios quillcachishcapica: “Ñuca huasica, ñucaman mañana huasimi” ninmi. Ashtahuanpish cancunaca shuhuaccuna miticuna machaitami ruhuashcanguichic» nirca.

SAN MATEO 23:13

¡Mishqui shimi, jayac shungu fariseocunalla, mandashcacunata yachachiccunalla, imachari tucunguichic! Cancunami jahua pacha Dios mandacucman yaicusha niccunata jarcanguichic. Chashnami cancunapish mana yaicunguichic, yaicuchunpish mana saquinguichic.

MARCOS 11:17

Jesusca chaipi caccunataca yachachishpaca: —Dios quillcachishcapica: “Ñuca huasica tucui llactamanta shamuccuna ñucata mañana huasimi canga” ninmi, ashtahuanpish cancunaca shuhuaccuna miticuna machaitami ruhuashcanguichic— nirca.

SAN LUCAS 19:10

Runa Tucungapac shamushca ñucaca, chingarishcacunata mashcashpa, quishpichingapacmi shamurcani— nirca.

SAN JUAN 10:1

Jesusca: —Maijanpish oveja corralman mana punguta yaicucca shuhuac, huañuchicmi. Chaica chashnatacmi can.

SAN JUAN 10:11

Ñucami alli michicca cani. Alli michicca, ovejacunamanta huañuna cacpipish huañungalla.

SAN JUAN 12:47

Maijanpish ñuca rimashcata uyashpapish mana cazuctaca, mana ñucachu taripasha. Mana cai pachapi causaccunata juchanchingapacchu shamurcani, ashtahuanpish quishpichingapacmi shamurcani.

SAN JUAN 12:6

Judasca mana huacchacunata llaquishcamantachu chaitaca nirca, ashtahuanpish shuhuac cashcamantami chashna nirca. Paimi cullquita tandashpa huacaichic carca. Chashnami maijan cutinca shuhuac carca.

SAN JUAN 3:17

Diosca mana cai pachapi causaccunata llaquiman cachachunchu paipac churitaca cacharcachu, ashtahuanpish cai pachapi causaccunata quishpichichunmi cacharca.

SAN JUAN 5:40

Cancunaca huiñai causaita charingapac mana ñucapacman shamushun ninguichicchu.

SAN JUAN 6:33

Dios cushca tandaca jahua pachamanta shamucmi. Chai tandami cai pachapi causaccunaman huiñai causaita cun— nirca.

SAN JUAN 6:51

Ñucami jahua pachamanta shamushca, causaita cuc tandaca cani. Maijanpish cai tandata micucca, huiñaita causangami. Cai tandaca ñuca quiquin aichami. Chaitaca cai pachapi causaccuna huiñai causaita charichunmi cusha— nirca.

ROMANOS 2:21

Shuccunata yachachishpaca, ¿ima nishpatac mana canllatac yachacungui? Can “Mana shuhuanachu” nishpa yachachishpaca, ¿ima nishpatac shuhuanata mana saquingui?

1 TIMOTEO 1:15

Jesucristoca juchayuccunata quishpichingapacca cai pachamanmi shamurca. Cai huillashcaca chashnatac cashcamantami tucui mashna crina canchic. Juchayuccunamanta nishpaca, ñucami punta yalli juchayucca cani.

HEBREOS 6:17

Diosca pai cusha nishcata japiccunaman mana shuctacyachishpa, pactachingapacmi paipac shutipi ari nirca.

HEBREOS 7:25

Paimanta Diospacman cuchuyaccunataca, huiñai huiñaipacmi quishpichin. Paica huiñaitami causacun, chashnami huiñaita mañacun.

2 PEDRO 1:11

Chashna cacpimi ñucanchicta Mandac Quishpichic Apunchic Jesucristoca, pai huiñaita mandacucman cancunataca imamanta mana jarcarishpa yaicuchun saquingalla.