JOSUÉ 9:27 - Dios Rimashcata Quillcashcami

²⁷ Chai punzhami Josueca gabaonitacunataca yantata pitic cachun, tandanacushca israelcunamanpish, Mandac Diospac altarmanpish yacuta ashtachun churarca. Mandac Dios acllashca pushtupimi chashna ruhuashpa, causachun churarca. Cunancamanmi chaita ruhuashpa causancuna.

JOSUÉ 9:27 ပူးပေါင်းရင်းမြစ်များ

2 CRÓNICAS 2:16

Ñucanchicca can mashna mañashca caspicunata Líbano urcupi pitigrishunllami. Chai quipaca balsata ruhuashpami, chai caspicunataca mama cuchata Jope pueblocaman apamushun. Chai pueblomantaca canllatac Jerusalenman ashtanguillami» nishpami quillcashpa cacharca.

NÚMEROS 31:28

Jatun macanacuiman llucshishpa, sinchi soldadocuna macanacushpa quichushcacunataca ñucaman cunguichic. Chashnami gentecunatapish, huagracunatapish, burrocunatapish, ovejacunatapish, cada pichca patsacmanta shucta chicanyachishpa, Mandac Dios ñucaman cuna canguichic.

NÚMEROS 31:30

Tandanacushca israelcunaman chaupishpa cushca gentecunatapish, huagracunatapish, burrocunatapish, ovejacunatapish, cada pichca chungamanta shucta japishpa, ñucahuan tupana huasita cuidac levitacunaman cunguichic» nirca.

NÚMEROS 31:47

Moisesca israelcunaman chaupishpa cushca gentecunatapish, animalcunatapish cada pichca chungamantami shucta Mandac Dios-huan tupana huasita cuidac levitacunaman Mandac Dios mandashca shina curca.

DEUTERONOMIO 12:11

Mandac Dios paipac shutita causachun acllashca pushtuman ñuca apachun nishca tucui rupachinatapish, paiman cunatapish, chungamanta shuctapish, alzashpa cuna ofrendatapish, cushami nishca ofrendatapish apanguichic.

DEUTERONOMIO 12:14

Cancunapac aillupurapi Mandac Dios acllashca pushtupi rupachinguichic. Chaillapitac tucui ñuca mandashcatapish ruhuanguichic.

DEUTERONOMIO 12:5

Ashtahuanpish Mandac Dios, paipac shutita causachun churangapac acllashca pushtuman rishpa, chaipi paitaca alli nina canguichic.

JOSUÉ 9:21

Shinallatac israelcunata mandaccunaca: «Causachun saquichiclla» nircami. Chaimantami paicunaca israelcunata mandaccuna nishca shinallatac tandanacushca israelcunaman yantata, yacuta ashtac tucurcacuna.

JOSUÉ 9:26

Chashnami Josueca paicuna nishca shinallatac ruhuashpa, israelcunapac maquimanta cacharichishpa, mana huañuchirca.