JOSUÉ 9:20 - Dios Rimashcata Quillcashcami

²⁰ Paicunahuanca caitami ruhuana canchic: Paicunataca causachun saquinallami canchic. Paicunahuan ari nishca jahua paicunata huañuchicpica, Diosca ñucanchic-huan yallita piñaringami. Chaimanta mana huañuchinachu canchic— nirca.

JOSUÉ 9:20 ပူးပေါင်းရင်းမြစ်များ

2 CRÓNICAS 36:13

Shinallatac jatun mandac Nabucodonosortapish mana cazurcachu. Nabucodonosorca paihuan shuc shinalla cachunmi, Diospac shutipi ari nishca carca. Chashna ari nishca jahuami sinchi shungu tucushpa, mana pactachishpa, israelcunata Mandac Diospacman cutirinatapish mana munarca.

PROVERBIOS 20:25

Shuc runa manarac alli yuyarishpa Diosman imata cushami nishpaca, tucllapi urmac shinami tucun.

MALAQUÍAS 3:5

Tucuita Mandac Diosca: «Chaipimi brujocunatapish, huainayaccunatapish, llullashpa ari niccunatapish taripashpa llaquichisha. Cullquimanta trabajaccunata, viuda huarmita, taita mama illac huahuacunata, caru llacta runacunata llaquichishpa, ñucata mana manchashpa causaccunatapish llaquichisha» ninmi.

ROMANOS 1:31

yuyai illac tucuncuna, ari nishpapish mana pactachincuna, pitapish mana cuyancuna, pitapish mana llaquincuna, mana perdonancuna.

1 TIMOTEO 1:10

huaclliriccunata, caripura huarmipura chayariccunata, genteta shuhuaccunata, llullaccunata, llullashpapish mana llullanichu niccunata, shinallatac tucui alli yachachishcacunata mana cazuccunata llaquichichunmi can.

JOSUÉ 9:19

Chashna rimacpimi, tucui mandaccunaca tandanacushca israelcunata: —Ñucanchicmi israelcunata Mandac Diospac shutipi ari nircanchic. Chaimanta cunanca, chai runacunataca imatapish mana ruhuai pudinchic.

JOSUÉ 9:21

Shinallatac israelcunata mandaccunaca: «Causachun saquichiclla» nircami. Chaimantami paicunaca israelcunata mandaccuna nishca shinallatac tandanacushca israelcunaman yantata, yacuta ashtac tucurcacuna.