JOSUÉ 8:20 - Dios Rimashcata Quillcashcami

²⁰ Hai pueblopi causaccunaca paicunapac pueblota tigrarishpa ricushpaca, chai pueblo rupashpa, cushni jahua pachaman ricuctami ricurcacuna. Paicuna shitashca pambata caticucpi, israelcuna paicunahuan macanacungapac cutimucucpimi, maimanpish mana callpai pudircacuna.

JOSUÉ 8:20 ပူးပေါင်းရင်းမြစ်များ

GÉNESIS 19:28

Chaiman chayashpami, Abrahamca Sodomamantapish, Gomorramantapish, tucui pambacunamantapish hornomanta cushni llucshicuc shinata ricurca.

JOB 11:20

Ashtahuanpish millaita ruhuaccunaca chingaringami. Paicunaca maipi mana miticui pudingachu. Paicuna imata shuyacushcapish, tucuri samai shinami canga» nirca.

SALMOS 76:5

Sinchi gentecunata mishashpami quichurcangui. Paicunaca huiñaitami sueñucun, mana riccharingachu. Chai macanacuc runacunaca shucllapish mana maquita alzarcachu.

ISAÍAS 34:10

Chashnami punzhapish, tutapish mana chiriyashpa cushnicungalla. Huiñaitami shitashca pamba saquiringa. Chaitaca pi mana puringachu.

JOSUÉ 8:19

Chashna ricuchicpimi, chaipi pacalla chapacuc runacunaca miticushca pushtumanta utca llucshishpa, Hai puebloman yaicurca. Chaiman yaicushpami, chai pueblota utca ninata churashpa rupachirca.

JOSUÉ 8:21

Josuepish, tucui israelcunapish, pacalla chapacuc runacunapish Hai pueblota japishcata, shinallatac chai pueblomanta cushni llucshicucta ricushpami, cutishpa tucui Hai pueblopi causaccunata huañuchirca.

APOCALIPSIS 18:9

Paihuan huainayashpa, munashcata ruhuashpa cushicuc cai pachapi tiyac jatun mandaccunaca, chai pueblo rupashpa cushni llucshicucta ricushpami chai pueblomanta llaquirishpa yallita huacangacuna.

APOCALIPSIS 19:3

Chai quipaca cutinllatacmi: «¡Mandac Dioslla, canca alli nishcami cangui! Chai pueblomanta cushni llucshinaca jaicapi mana tucurishpa llucshicungallami» nircacuna.

JUECES 20:38

Israelcunahuan pacalla chapacuc runacunahuanca: “Gabaa pueblomanta cushnita huichai cachanguichic” ninacushcami carca.

JUECES 20:40

Ashtahuanpish paicuna tigrarishpa Gabaa pueblota ricucpica, chai tucui pueblomanta achca cushni huichai llucshicushcatami ricurca.

JUECES 20:41

Chaita ricushpami, israelcunaca Benjamín aillucunahuan macanacungapac cutirca. Chaimantami Benjamín aillucunaca paicunata llaqui japicushcata yachac chayashpa manchai callarirca.