JOSUÉ 7:24 - Dios Rimashcata Quillcashcami

²⁴ Chai quipaca, Josueca tucui israelcunahuan tandanacushpami Zerapac churi Acanta japishpa, pai shuhuashca cullquindi, jahualla churanandi, curi barrandi, paipac churicunandi, ushicunandi, huagracunandi, burrocunandi, ovejacunandi, carpa huasindi, tucui charishcacunandi Acor pambamanmi aparca.

JOSUÉ 7:24 ပူးပေါင်းရင်းမြစ်များ

GÉNESIS 18:25

Can Diosca tucui cai pachapi allita ruhuacmi cangui. Chashna cashca jahuaca, ¿allita ruhuaccunataca Diosta mana cazuccunahuan pactachu chingachingui? Chaitaca jaicapi mana ruhuanguichu— nirca.

JOB 20:15

Pai charishcacunata micushca cashpapish arcadangami. Paipac huicsa ucumantami Diosca llucchinga.

ÉXODO 20:5

Chaicunapac ñaupapica ama cumuringuichu, ama servinguichu. Ñucaca cancunata Mandac Diosmi cani. Shuctac diosta charichunca manatac munanichu. Taitacuna ñucata piñashpa, millaita ruhuashcamantaca paicunapac huahuacunacaman, nietocunacaman shinallatac bisnietocunacamanmi llaquichisha.

PROVERBIOS 15:27

Charinallata munac runaca paipac huasi ucupuramanmi llaquita apamun. Ashtahuanpish cullquita pacalla cucpi mana japic runaca causangami.

ECLESIASTÉS 5:13

Inti achicyachicuc cai pachapica yalli llaquitami ricurcani. Runa huacaichishca charishcacunaca, paipac llaquipacllatacmi.

ISAÍAS 65:10

Sarón pambaca ñuca acllashcacuna ovejata michina pamba, Acor pambaca paicunapac huagracuna shayanami tucunga.

OSEAS 2:15

Chaipimi paipac uvas chagrataca cutichisha. Chaipimi Acor pugru pambataca cushicushpa, shuyana pambata ruhuasha. Chashna ruhuacpimi, huambrarac cashca punzhacunapi shina, Egipto llactamanta llucshimui punzhapi shina cantanga.

JOSUÉ 15:7

Cutin Acor pugru pambamantaca Debir pueblocaman chayashpa, chaimanta huichaita rishpa, Adumim quingrai chimba ladopi cac Gilgal pueblota muyurca. Chashnami ura lado jatun yacu lado pambacaman carca. En-semes yacuta rishpami En-rogel junducaman carca.

JOSUÉ 22:20

¿Zerapac churi Acán Diospac chicanyachishcata japicpi, Mandac Dios tandanacushca israelcunahuan piñarishcaca manachu ñucanchicta llaquichirca? Chai runaca pai mana allita ruhuashcamantaca mana paillachu huañurca” nichunmi cachan— nirca.

JOSUÉ 6:18

Ashtahuanpish, cunanca Dios tucuchingapac chicanyachishcataca, imatapish ama tuparinguichicchu, ama japinguichicchu pacta israelcunapac carpacuna Dios llaquichina tucunman.

JOSUÉ 6:21

Chaiman yaicushpaca, chaipi tucui causaccunatami espadahuan huañuchishpa, caricunatapish, huarmicunatapish, quipa huiñaicunatapish, yuyaccunatapish tucuchirca. Chashnallatac huagracuna, ovejacuna, burrocunacamanmi tucuchirca.

JOSUÉ 7:1

Ashtahuanpish israelcunaca Mandac Dios tucuchingapac chicanyachishcata pacalla japishpami pandarircacuna. Judapac aillupuramanta Acanmi chaitaca ruhuarca. Paica Carmipac churi, Zabdipac nieto, Zerapac bisnietomi carca. Chaimantami Mandac Diosca israelcunahuan nina japiric shina piñarirca.

JOSUÉ 7:23

Paicunaca carpa huasi ucupi tarishpami Josuepacman, shinallatac israelcunapacman apashpa, Mandac Diospac ñaupapi churarcacuna.

JOSUÉ 7:26

Chashna paita rupachishca jahuapica rumicunatami montonarca. Chai montonca cunancamanmi tiyan. Chashna rupachicpimi, Mandac Diosca pai nina japiric shina piñarishcataca pasachirca. Chaimantami chai pugru pambataca cunan punzhacaman Acor pamba nincuna.