JOSUÉ 6:7 - Dios Rimashcata Quillcashcami

⁷ Shinallatac israelcunataca: «Chai pueblota muyugrichic. Macanacungapac allichirishca caricunaca Diospac Arcata apaccunapac ñaupatami pasangacuna» nirca.

JOSUÉ 6:7 ပူးပေါင်းရင်းမြစ်များ

JOSUÉ 1:14

Jordán yacumanta inti llucshina ladoman Moisés cushca llactapimi cancunapac huarmicunapish, huahuacunapish, animalcunapish saquiringa. Shina cacpipish, sinchita macanacuc runacunaca cancunapac huauqui israelcunata ayudangapac macanacunahuan pasachun.

JOSUÉ 4:13

Macanacungapac allichirishca runacunaca chuscu chunga huaranga shinami macanacunata apashpa Jericó pueblo pambaman Mandac Diospac ñaupata pasarca.

JOSUÉ 6:3

Chai pueblotaca macanacunata alli yachac tucui soldadocunahuan cada punzha shuc cutin sucta punzhacaman muyuichic.

JOSUÉ 6:6

Nunpac churi Josué curacunata cayashpaca: «Dios ari nishca quillcata huacaichina Arcata apaichic. Canchis curacunaca oveja gachucunamanta ruhuashca canchis cornetata apashpami, Arcata huanduccunapac ñaupata ringacuna» nirca.

JOSUÉ 6:8

Josué gentecunata chashna nincami canchis curacunaca oveja gachumanta ruhuashca canchis cornetata apashpa, Mandac Diospac Arca ñaupata rishpa tocarcacuna. Cutin Mandac Diospac Arcaca catishpami rirca.