JOSUÉ 6:19 - Dios Rimashcata Quillcashcami

¹⁹ Ashtahuanpish curipish, cullquipish, broncemanta, fierromanta ruhuashca imacunapish Mandac Diospaclla chicanyachishcami. Chaimanta Mandac Diospac imapish valishcacunata churana ucupimi churana can» nirca.

JOSUÉ 6:19 ပူးပေါင်းရင်းမြစ်များ

2 SAMUEL 8:11

Davidca chaicunatami pai atishca llactacuna cushca impuesto cullquihuan, curihuan Mandac Diospaclla cachun chicanyachirca.

1 REYES 14:26

Shina shamushpami, Mandac Diospac huasimanta, jatun mandacpac huasimantapish sumac allicunata llucchishpa, shinallatac Salomón ruhuashca curi escudocunatapish tucui aparca.

1 REYES 7:51

Mandac Diospac huasipica jatun mandac Salomón ruhuanata yuyarishcataca chashnami tucui ruhuashpa tucuchirca. Chai quipami Salomonca Diospac cachun, paipac taita David chicanyachishca curita, cullquita, ashtahuan ima charishcacunataca Mandac Diospac huasiman aparca. Chaipimi ima charishcacunata huacaichina ucucunapi churarca.

2 REYES 24:13

Chai quipami Nabucodonosorca Mandac Diospac huasipi, mandana huasipi tucui alli huacaichishcacunata llucchirca. Chai curimanta ruhuashca charinacunataca tucuimi ñutuchirca. Chai charinacunataca Israel llactata jatun mandac Salomonmi Mandac Dios nishca shinallatac Mandac Diospac huasipi charingapac ruhuachishca carca.

1 CRÓNICAS 18:11

Chaicunatami jatun mandac Davidca Mandac Diospaclla cachun, Edom, Moab, Amón, llactapi causaccunamanta, filisteocunamanta, amalecitacunamanta quichushca curihuan, cullquihuan pacta Diosman curca.

1 CRÓNICAS 26:20

Caishuc levitacunamantaca Ahiasmi Diospac huasipi tiyac ima valishcacunatapish, Diospaclla chicanyachishcacunatapish cuidacurca.

1 CRÓNICAS 26:26

Diospac huasipi tiyashca valishcacunataca Selomitmi paipac familiacunahuan cuidacurca. Chaicunataca jatun mandac Davidpish, ñaupa taitacunapac huasi ucupuracunata mandaccunapish, huaranga soldadocunata mandaccunapish, patsac soldadota mandaccunapish, tucui soldadocunata mandaccunapish Diospaclla cachun chicanyachishcami carca.

1 CRÓNICAS 26:27

Caicunataca Diospac huasita allichingapacmi macanacuicunata mishashpa apamushcacunataca Diosman cushpa chicanyachishpa churarca.

1 CRÓNICAS 26:28

Shinallatac Dios ricuchishcata huillac Samuel, Cispac churi Saúl, Nerpac churi Abner, Sarviapac cari huahua Joab, shinallatac maijancuna Diosman chicanyachishpa cushcacunatapish Selomitmi paipac familiacunahuan cuidacurca.

1 CRÓNICAS 28:12

Shinallatac Mandac Diospac huasi pungucunata, chai muyundi ucucunata, Diospac huasipi imalla tiyashcata allichina ucuta, Diospaclla chicanyachishcata allichingapac ima shina shayachinata yuyarishcatami ricuchishpa saquirca.

2 CRÓNICAS 15:18

Paica cullquitapish, curitapish, ima charishcacunatapish paipish, paipac taitapish Diospaclla cachun chicanyachishcataca Mandac Diospac huasimanmi aparca.

2 CRÓNICAS 31:12

Chai ucupimi mana cungarishpa punta pucushcamanta cushca granotapish, chungamanta shucta cushcacunatapish, Diosman chicanyachishpa cushcacunatapish alli huacaichirca. Chaipi tucuita ricuchunca, Conanías levitatami churarca. Paipac quipa ricuchunca, paipac huauqui Simei levitatami churarca.

NEHEMÍAS 10:38

Chungamanta shucta levitacuna japinacucpica, Aaronpac huahua huahuapuramanta shuc curami paicunahuan canga. Levitacuna chungamanta shucta japishcamantaca cutinmi chungamanta shucta chicanyachishpa, ñucanchic Diospac huasipi tiyac huacaichina ucupi huacaichinga.

JEREMÍAS 38:11

Shina nicpimi, Ebedmelecca chai runacunata pushashpa, jatun mandacpac huasipi ima valishcacunata huacaichina ucumanta mauca churanacunata, mauca trapocunata apashpa, Jeremías llucshichun huascata chai jutcuman shitarca.

LEVÍTICO 19:24

Chuscu huatapica tucui pucushca granomi Mandac Dios ñucaman cushpa, cushichingapac chicanyachishca canga.

MIQUEAS 4:13

Mandac Diosca: «¡Sionpi causaccunalla, jatarishpa trillac shina tucuchichicyari! Cancunamanca fierro gachuyuc, bronce shillucunayuc huagraman shinami fuerzata cusha. Chaimantami achca llactacunata ñutuchic shina tucuchinguichic. Paicunamanta quichushcacunataca Mandac Diosmanmi cunguichic. Imata charishcatapish, tucui cai pacha Mandac Diospaclla cachun, paiman cunguichic» ninmi.

NÚMEROS 31:11

Quipaca macanacushpa quichushcacunatami gentecunatapish, animalcunatapish japirca.

NÚMEROS 31:12

Shina japishpami Moisespacman, Eleazar curapacman, tandanacushca israelcunapacman apamurca. Israelcunaca prezu japishcacunata, macanacushpa quichushcacunataca Moab pambacunapi cac carpa huasicunamanmi apamurca. Chaica Jordán yacu lado Jericó chimba ladopimi carca.

NÚMEROS 31:22

“Ninapi mana rupac curitapish, cullquitapish, broncetapish, fierrotapish, estañotapish, plomo fierrotapish

SAN MATEO 27:6

Curacunata mandac curacuna chai cullquita japishpaca: “Caica shuc runata huañuchingapac randishca cullquimi. Chaimanta ofrendata tandanapica, mana churanachu canchic” nirca.

MARCOS 12:41

Jesusca Diosta mañana huasi ucupi cashpaca, ofrendata churana chimbapurapimi tiyacurca. Gentecuna ima shina cullquita churactami ricucurca. Chaipica chayuccunami achca cullquita churarca.

JOSUÉ 7:11

Israelcunaca juchallishcacunami. Pactachingapac ñucahuan ari nishcataca mana cazushcacunachu. Ñuca tucuchingapac chicanyachishcataca shuhuashcacunami, llullashcacunami. Chai shuhuashcata paicuna charishcacunapimi pacashca.