JOSUÉ 6:17 - Dios Rimashcata Quillcashcami

¹⁷ Shina cacpipish, Mandac Diosca cai pueblopi causaccunataca chaipi tucui imalla tiyashcacunandi tucuchingapacmi chicanyachishca. Huainayashpa causac Rahab huarmillami paipac huasipi tiyaccunandi mana huañunga. Paica ñucanchic cachashca pacalla ricuc runacunata pacashpa, mana huañuchichun saquishcamantami mana huañuchishca canga.

JOSUÉ 6:17 ပူးပေါင်းရင်းမြစ်များ

GÉNESIS 12:3

Canta alli niccunataca alli nishami, mana alli niccunataca mana alli nishachu. Canmantami tucui cai pachapi causaccunaca bendiciashca canga» nirca.

ESDRAS 10:8

Mandaccuna, pushaccuna nishca shina quimsa punzhacaman mana tandanacucpica, paipac tucui allpacunata quichuchun, shinallatac prezumanta cutimushcapura tandanacuimanta llucchishpa cachachun nishpami huillachirca.

ISAÍAS 34:6

Mandac Diosca Bosra llactapica animalcunata rupachingapac huañuchic shinami huañuchinga. Edom llactapipish achcatami huañuchinga. Espadaca maltón ovejacunapac, cari chivocunapac yahuarhuan, Maltón ovejacunapac riñón huirahuanmi yallita cahuiringa.

JEREMÍAS 46:10

Chai punzhaca tucuita Mandac Diospac punzhami canga. Paita piñaccunataca llaquichina punzhami canga. Espadaca tucuita huañuchishpami, yahuarsapa tucushpa, machashca shina canga. Tucuita Mandac Diosca jahua lado llacta Eufrates yacu patapimi yallita huañuchinga.

EZEQUIEL 39:17

Huañunalla runa, Mandac Dios ñucaca: Canca tucuilaya volac animalcunata, tucuilaya sacha animalcunataca: Tucui ladomanta tandarishpa, Israel urcucunaman shamuichic ningui. Chaita huañuchishpa, carashpami yahuarta ubiachisha.

LEVÍTICO 27:21

Allpata cacharina huatapi mana pi japicpica, chai allpaca Diospacllami tucunga. Chaitaca curami japinga.

MIQUEAS 4:13

Mandac Diosca: «¡Sionpi causaccunalla, jatarishpa trillac shina tucuchichicyari! Cancunamanca fierro gachuyuc, bronce shillucunayuc huagraman shinami fuerzata cusha. Chaimantami achca llactacunata ñutuchic shina tucuchinguichic. Paicunamanta quichushcacunataca Mandac Diosmanmi cunguichic. Imata charishcatapish, tucui cai pacha Mandac Diospaclla cachun, paiman cunguichic» ninmi.

SAN MATEO 25:40

Shina nicpimi ñucaca: “Cai uchilla ñuca huauquicunaman ruhuashpaca, ñucamanmi ruhuarcanguichic. Chaica chashnatacmi” nishami.

1 CORINTIOS 16:22

Maijanpish Apunchic Jesusta mana cuyactaca, llaquichishca cachun. ¡Ñucanchic Apunchic Jesús, shamuilla!

1 CORINTIOS 2:7

Ñucanchicca huiñaita sumac llactapi causagrichunmi, pipish mana yachashca, cai pachata Dios manarac ruhuashpa, huacaichishpa charicushca yachaicunata huillacunchic.

GÁLATAS 3:10

Mandashcacunata pactachishpalla Dios alli tucusha niccunaca jatun llaquitami apangacuna. Dios quillcachishcapica: «Mandashcacunata mana tucui allita pactachictaca, llaquichingapac chicanyachishcami canga» ninmi.

GÁLATAS 3:12

Mandashcacunata pactachinaca mana crina shinachu, ashtahuanpish Dios quillcachishcapica: «Maijanpish mandashcacunata pactachicca, chaita pactachishcamantami causanga» ninmi.

DEUTERONOMIO 20:17

Mandac Dios mandashca shina, chai llactacunapi causac heteocunatapish, amorreocunatapish, cananeocunapish, ferezeocunatapish, heveocunatapish, jebuseocunatapish tucui tucuchinguichic.

HEBREOS 11:31

Crishcamantami huainayac Rahabpish, israelcuna ricuchun cachashcacunata sumacta chasquishpa, mana cazuccunahuan pacta mana huañurca.

HEBREOS 6:10

Cashcata ruhuac Diosca cancuna imata ruhuashcatapish, sarunpish, cunanpish paipaclla caccunata cuyaihuan servishcacunataca, manatac cungaringachu.

SANTIAGO 2:25

Chai shinallatacmi huainayashpa causac Rahabtapish, chai llactata pacalla ricungapac shamuccunata huasipi chasquishpa shuc ñanta cachashcamanta, Diosca “cashcata ruhuacmi” nishpa chasquirca.

JOSUÉ 2:1

Nunpac churi Josué ishcai runata Sitim pambamanta pacalla ricumuchun cachashpaca: «Chai llactatapish, Jericó pueblotapish imalaya cashcata allita ricumugrichic» nirca. Paicuna rishpaca, huainayashpalla causac Rahab huarmipac huasiman chayashpami, chaipi pacarirca.

JOSUÉ 2:22

Paicuna chaimanta rishpaca, urcuman chayashpami, caticcuna cutingacaman quimsa punzhata miticushpa carcacuna. Paicunata caticcunaca tucui ñancunata mashcashpapish, mana tarircacunachu.

JOSUÉ 7:1

Ashtahuanpish israelcunaca Mandac Dios tucuchingapac chicanyachishcata pacalla japishpami pandarircacuna. Judapac aillupuramanta Acanmi chaitaca ruhuarca. Paica Carmipac churi, Zabdipac nieto, Zerapac bisnietomi carca. Chaimantami Mandac Diosca israelcunahuan nina japiric shina piñarirca.

1 SAMUEL 15:3

Shina cashcamanta amalecitacunata tucui huañuchigri. Paicuna ima charishcacunataca mana llaquishpa tucui chingachingui. Caricunata, huarmicunata, huahuacunata, chuchucuc huahuacunata, vacacunata, ovejacunata, camellocunata, burrocunatapish mana llaquishpa tucui huañuchingui” ninmi— nirca.

1 SAMUEL 15:6

Chai quipaca chaipi causac ceneocunata Saulca: —Cancuna paicunahuan pacta mana huañungapacca paicunapac chaupimanta llucshichic. Cancunaca israelcuna Egiptomanta shamucucpica llaquishpami, allita ruhuarcanguichic— nirca. Shina nicpimi, ceneocunaca amalecitacunapac pueblomanta utca llucshi rirca.