JOSUÉ 6:15 - Dios Rimashcata Quillcashcami

¹⁵ Canchisniqui punzha tucucpica, manarac punzhayacpimi, jatarishpa ñaupa punzha shinallatac canchis cutin, chai pueblota muyurcacuna. Chai punzhallami canchis cutin muyurcacuna.

JOSUÉ 6:15 ပူးပေါင်းရင်းမြစ်များ

SALMOS 119:147

Manarac pacaricpi jatarishpami mañani. Can rimashcatami shuyacuni.

SAN MATEO 28:1

Samana punzha cayandi domingo pacarinatami Magdala pueblomanta Mariaca caishuc Mariahuan Jesusta enterrashcata ricungapac rirca.

HEBREOS 11:30

Crishcamantami israelcunaca canchis punzhata Jericó pueblota muyushpa, chai muyundi pircata urmachirca.

JOSUÉ 3:1

Josueca cayandi tutamantami Sitim pambamanta tucui israelcunahuan, Jordán yacu ladoman chayarca. Chaipimi yacuta manarac pasashpa samarircacuna.

JOSUÉ 6:14

Quipa punzhapish, ñaupa punzha shinallatacmi chai pueblota muyushpa, paicunapac carpacunaman cutirca. Chashnami sucta punzhacaman muyurcacuna.

JOSUÉ 6:16

Canchis cutin curacuna oveja gachupi tocacpimi, Josueca israelcunataca: «Mandac Diosmi cai pueblotaca ñucanchic maquipi churan. Chaimanta caparichic.

2 PEDRO 1:19

Chaita urcupi ricushcaca, Diosmanta ñaupa huillaccuna huillashca chashnatac cashcatami ricuchin. Chai huillaica tuta punzhayangacaman amsata achicyachic lámpara shina, shinallatac tutamanta achicyachic lucero llucshic shinami, cancunapac shungutaca achicyachicun. Chai huillaita cancuna alli uyashpaca, allimi ruhuanguichic.