JOSUÉ 3:13 - Dios Rimashcata Quillcashcami

¹³ Tucui cai pachata Mandac Diospac Arcata huandushpa ric curacuna chaquita Jordán yacupi churacpica, chai yacuca chaupiringami. Jahuamanta shamuc yacuca pirca tucushpami saquiringa» nirca.

JOSUÉ 3:13 ပူးပေါင်းရင်းမြစ်များ

1 CRÓNICAS 29:11

Mandac Dioslla, jatun canapish, tucuita ruhuanapi sumaimana canapish, tucui mandanapish, tucuipac alli nishca canapish cambacmi. Jahua pachapi ima tiyashcapish, cai pachapi ima tiyashcapish cambacmi. Mandac Dioslla, tucuita mandanapish cambacmi. Tucuita yallimi cangui.

SALMOS 33:7

Paimi mama cucha yacucunataca montonashpa charin. Tucui jatun yacucunatami huacaichishpa churan.

SALMOS 74:15

Canmi yacu junducunatapish, callpac yacucunatapish llucchircangui. Pi mana jarcaipac jatun yacutapish chaquichircangui.

SALMOS 78:13

Mama cucha chaupitami paicunataca pasachirca. Yacuca ishcai ladoman chaupirishpami tandarishpa saquirirca.

ÉXODO 15:8

Can pucushca samaihuanmi yacuca ishcai ladoman tandarirca. Huacyacuc mama cuchaca mana cuyurishpami casilla saquirirca. Ucu cuchaca rumi shinami saquirirca.

ISAÍAS 54:5

Cambac cusaca, canman causaita Cucmi. Cusapac shutica tucuita Mandac Diosmi. Paica quishpichic, israelcunapac jucha illac Diosmi. Paipac shutica “tucui cai pachapi causaccunapac Diosmi” canga.

HABACUC 3:15

Mama cucha jahuatami, caballocunapi puscuta shitashpa purircangui.

ZACARÍAS 4:14

Shina nicpimi angelca: —Caicunaca tucui cai pachata Mandac Diospac ñaupapi, aceiteta cahuishca ishcai runacunatami nisha nin— nirca.

JOSUÉ 3:11

Tucui cai pachata Mandac Dios ari nishca quillcata huacaichina Arcaca cancunapac ñaupatami Jordán yacuta pasanga.

JOSUÉ 4:7

cancunaca: “Mandac Dios ari nishca quillcata huacaichina Arcata apashpa, Jordán yacuta pasagricpica, yacuca chaupirishpami ishcai ladoman saquirirca. Cai rumicunaca israelcunapac huahua huahuacunapac huiñaita yuyarinami can” ninguichic» nirca.